Фота Міністэрства прамысловасці
23 красавіка, Мінск /Кар. БЕЛТА/. Інстытут павышэння кваліфікацыі кіраўнікоў і спецыялістаў прамысловасці "Кадры індустрыі" ўпершыню рэалізуе праграму бізнес-стажыроўкі ў Беларусі для прадстаўнікоў прамысловага сектара і інавацыйнага бізнесу Ульянаўскай вобласці. Аб гэтым БЕЛТА паведамілі ў прэс-службе Міністэрства прамысловасці.
Праграма бізнес-стажыроўкі арганізавана ў рамках пагаднення паміж урадамі Беларусі і Ульянаўскай вобласці аб гандлёва-эканамічным супрацоўніцтве і плана мерапрыемстваў на 2025-2026 гады да пагаднення, падпісаных па выніках сустрэчы Прэзідэнта Беларусі Аляксандра Лукашэнкі і губернатара Ульянаўскай вобласці Аляксея Рускіх.
У рамках бізнес-стажыроўкі ў перыяд з 20 па 25 красавіка 2025 года кіраўнікі дзевяці расійскіх кампаній знаёмяцца з арганізацыяй вытворчасці і сістэмай аперацыйнага менеджменту беларускіх прадпрыемстваў, абменьваюцца вопытам у галіне лічбавай трансфармацыі і ўкаранення канцэпцыі беражлівай вытворчасці, падыходаў да навучання персаналу, інавацыйных тэхналогій у машынабудаванні і вытворчасці мікраэлектронікі, бліжэй знаёмяцца з нацыянальнай культурай Беларусі, таварамі беларускіх вытворцаў і ўмовамі вядзення бізнесу.
Праграмай прадугледжаны сустрэчы з кіраўнікамі і профільнымі спецыялістамі, дыскусійныя пляцоўкі і круглыя сталы на ААТ "Мінскі трактарны завод", ААТ "ІНТЭГРАЛ", ААТ "БКМ Холдынг", ААТ "Мінскі завод пеністых він", Мінскі гарадскі тэхнапарк, ААТ "БЕЛАЗ" (Жодзіна), ААТ "Белкард" і ААТ "Лідскае піва" (Гродна).
У рамках праграмы бізнес-стажыроўкі 21 красавіка адбыўся круглы стол у фармаце В2В "Аб інтарэсах і перспектывах бізнес-супрацоўніцтва прадпрыемстваў Беларусі і Ульянаўскай вобласці Расіі" з удзелам кіраўніцтва беларускіх прадпрыемстваў. Удзельнікі круглага стала прадставілі свае сферы інтарэсаў, абмеркавалі перспектывы бізнес-узаемадзеяння і ўмовы інвесціравання ў Беларусі, абамяняліся карыснымі кантактамі.
Мерапрыемства завяршылася падпісаннем пагаднення б супрацоўніцтве паміж інстытутам "Кадры індустрыі" і АНА "Агенцтва інавацыйнага развіцця Ульянаўскай вобласці". У рамках дакумента прадстаўнікі прамысловага сектара і інавацыйнага бізнесу Ульянаўскай вобласці гатовы прыняць кіраўнікоў і спецыялістаў беларускіх прадпрыемстваў на бізнес-стажыроўкі з папярэдне ўзгодненай і падрыхтаванай праграмай візітаў, сустрэч і навучання на прыкладзе лепшых бізнес-практык.-0-
Праграма бізнес-стажыроўкі арганізавана ў рамках пагаднення паміж урадамі Беларусі і Ульянаўскай вобласці аб гандлёва-эканамічным супрацоўніцтве і плана мерапрыемстваў на 2025-2026 гады да пагаднення, падпісаных па выніках сустрэчы Прэзідэнта Беларусі Аляксандра Лукашэнкі і губернатара Ульянаўскай вобласці Аляксея Рускіх.
У рамках бізнес-стажыроўкі ў перыяд з 20 па 25 красавіка 2025 года кіраўнікі дзевяці расійскіх кампаній знаёмяцца з арганізацыяй вытворчасці і сістэмай аперацыйнага менеджменту беларускіх прадпрыемстваў, абменьваюцца вопытам у галіне лічбавай трансфармацыі і ўкаранення канцэпцыі беражлівай вытворчасці, падыходаў да навучання персаналу, інавацыйных тэхналогій у машынабудаванні і вытворчасці мікраэлектронікі, бліжэй знаёмяцца з нацыянальнай культурай Беларусі, таварамі беларускіх вытворцаў і ўмовамі вядзення бізнесу.
Праграмай прадугледжаны сустрэчы з кіраўнікамі і профільнымі спецыялістамі, дыскусійныя пляцоўкі і круглыя сталы на ААТ "Мінскі трактарны завод", ААТ "ІНТЭГРАЛ", ААТ "БКМ Холдынг", ААТ "Мінскі завод пеністых він", Мінскі гарадскі тэхнапарк, ААТ "БЕЛАЗ" (Жодзіна), ААТ "Белкард" і ААТ "Лідскае піва" (Гродна).
У рамках праграмы бізнес-стажыроўкі 21 красавіка адбыўся круглы стол у фармаце В2В "Аб інтарэсах і перспектывах бізнес-супрацоўніцтва прадпрыемстваў Беларусі і Ульянаўскай вобласці Расіі" з удзелам кіраўніцтва беларускіх прадпрыемстваў. Удзельнікі круглага стала прадставілі свае сферы інтарэсаў, абмеркавалі перспектывы бізнес-узаемадзеяння і ўмовы інвесціравання ў Беларусі, абамяняліся карыснымі кантактамі.
Мерапрыемства завяршылася падпісаннем пагаднення б супрацоўніцтве паміж інстытутам "Кадры індустрыі" і АНА "Агенцтва інавацыйнага развіцця Ульянаўскай вобласці". У рамках дакумента прадстаўнікі прамысловага сектара і інавацыйнага бізнесу Ульянаўскай вобласці гатовы прыняць кіраўнікоў і спецыялістаў беларускіх прадпрыемстваў на бізнес-стажыроўкі з папярэдне ўзгодненай і падрыхтаванай праграмай візітаў, сустрэч і навучання на прыкладзе лепшых бізнес-практык.-0-
Падпісвайцеся на нас у
