1 ліпеня, Мінск /Кар. БЕЛТА/. Пасля прадстаўлення калектыву Міністэрства прамысловасці новы міністр Аляксандр Яфімаў расказаў журналістам аб перспектыўных напрамках развіцця прадпрыемстваў сістэмы Мінпрама, перадае карэспандэнт БЕЛТА.
Расія і Кітай - тыя краіны, якія кіраўнік дзяржавы вызначыў як ключавых партнёраў для далейшага развіцця, адзначыў Аляксандр Яфімаў. "Вядома ж, вялікія намаганні будзем прыкладаць для дыверсіфікацыі экспартных рынкаў збыту нашай прадукцыі. Пэўныя праблемныя пытанні апошніх некалькіх гадоў ужо вырашаны. Разам з тым настаў час актывізаваць і аднавіць свае пазіцыі на рынках трэціх краін. Міністэрства прамысловасці прадоўжыць рэалізацыю канцэпцыі трох "і", пра якую ўжо некалькі гадоў таму гаварыў кіраўнік дзяржавы", - растлумачыў новы міністр.
Першае "і" - гэта інавацыйнасць. "Мы павінны быць у авангардзе са сваёй прадукцыяй і тэхнічнымі працэсамі, сістэмамі кіравання, а таксама быць наперадзе і паказваць высокі вынік", - упэўнены Аляксандр Яфімаў.
Другое "і" - інвестыцыі. "Апошнім часам Міністэрства прамысловасці запусціла сур'ёзны інвестыцыйны цыкл. Шмат праектаў мы рэалізоўваем, у тым ліку разам з партнёрамі з Расійскай Федэрацыі. Але разам з тым гэты напрамак будзем узмацняць, каб нашы метады кіравання і вытворчасці былі эфектыўнымі, а наша прадукцыя была высакаякаснай і адпавядала сучасным патрабаванням рынку", - заявіў ён.
І трэцяе "і" - гэта імпартазамяшчэнне. "У першую чаргу тэхналагічны і прамысловы суверэнітэт нашай краіны. Мы павінны самі выпускаць усе ключавыя вузлы і сістэмы, такая задача пастаўлена кіраўніком дзяржавы. У бліжэйшым будучым мы не павінны ні ад каго не залежаць. Гэта і будуць асноўныя курсы развіцця прадпрыемстваў сістэмы Міністэрства прамысловасці", - сказаў на заканчэнне міністр.-0-
Расія і Кітай - тыя краіны, якія кіраўнік дзяржавы вызначыў як ключавых партнёраў для далейшага развіцця, адзначыў Аляксандр Яфімаў. "Вядома ж, вялікія намаганні будзем прыкладаць для дыверсіфікацыі экспартных рынкаў збыту нашай прадукцыі. Пэўныя праблемныя пытанні апошніх некалькіх гадоў ужо вырашаны. Разам з тым настаў час актывізаваць і аднавіць свае пазіцыі на рынках трэціх краін. Міністэрства прамысловасці прадоўжыць рэалізацыю канцэпцыі трох "і", пра якую ўжо некалькі гадоў таму гаварыў кіраўнік дзяржавы", - растлумачыў новы міністр.
Першае "і" - гэта інавацыйнасць. "Мы павінны быць у авангардзе са сваёй прадукцыяй і тэхнічнымі працэсамі, сістэмамі кіравання, а таксама быць наперадзе і паказваць высокі вынік", - упэўнены Аляксандр Яфімаў.
Другое "і" - інвестыцыі. "Апошнім часам Міністэрства прамысловасці запусціла сур'ёзны інвестыцыйны цыкл. Шмат праектаў мы рэалізоўваем, у тым ліку разам з партнёрамі з Расійскай Федэрацыі. Але разам з тым гэты напрамак будзем узмацняць, каб нашы метады кіравання і вытворчасці былі эфектыўнымі, а наша прадукцыя была высакаякаснай і адпавядала сучасным патрабаванням рынку", - заявіў ён.
І трэцяе "і" - гэта імпартазамяшчэнне. "У першую чаргу тэхналагічны і прамысловы суверэнітэт нашай краіны. Мы павінны самі выпускаць усе ключавыя вузлы і сістэмы, такая задача пастаўлена кіраўніком дзяржавы. У бліжэйшым будучым мы не павінны ні ад каго не залежаць. Гэта і будуць асноўныя курсы развіцця прадпрыемстваў сістэмы Міністэрства прамысловасці", - сказаў на заканчэнне міністр.-0-
