Фота з архіва
19 жніўня, Мінск /Кар. БЕЛТА/. Для нарошчвання аб'ёмаў прамысловай вытворчасці неабходна сканцэнтравацца на развіцці імпартазамяшчэння і павышэнні эфектыўнасці галін і прадпрыемстваў за кошт укаранення новых тэхналогій. Аб гэтым заявіў намеснік прэм'ер-міністра Віктар Каранкевіч у эфіры тэлеканала "Беларусь 1", паведамляе БЕЛТА.
Віцэ-прэм'ер падкрэсліў, што драйверам у развіцці эканомікі застаецца прамысловасць. Так, тэмп росту аб'ёмаў прамысловай вытворчасці за студзень - ліпень гэтага года склаў 107,5 працэнта да такога ж узроўню 2023-га. "З мэтай захавання такіх станоўчых паказчыкаў неабходна сканцэнтравацца на далейшым вырашэнні такіх асноўных пытанняў, як развіццё імпартазамяшчэння, у тым ліку ў рамках рэалізацыі інтэграцыйных праектаў з Расійскай Федэрацыяй. Гэта далейшая работа па стабілізацыі прадпрыемстваў дрэваапрацоўкі і павелічэнне аб'ёмаў вытворчасці адпаведнай прадукцыі, у тым ліку з наяўнасцю знешніх абмежаванняў і санкцыйнага націску. Таксама гэта пытанні павышэння эфектыўнасці галін і прадпрыемстваў за кошт укаранення новых тэхналогій, абсталявання, машын, механізмаў", - пералічыў Віктар Каранкевіч.
Асаблівую ўвагу трэба ўдзяліць рэалізацыі праектаў па імпартазамяшчэнні. Напрыклад, з Расіяй узгоднена 27 імпартазамяшчальных праектаў на агульную суму каля 168 млрд расійскіх рублёў. Значныя сумы асвоены па 25 праектах, якія знаходзяцца ў стадыі рэалізацыі. "Тут можна вылучыць асобныя праекты, накіраваныя і на мадэрнізацыю дзеючых вытворчасцей, павелічэнне аб'ёмаў вытворчасці, і пашырэнне асартыменту выпускаемай прадукцыі на такіх буйных прамысловых прадпрыемствах, як "Гомсельмаш", "Мінскі падшыпнікавы завод", "БЕЛАЗ", "АМКАДОР" і іншых. Калі браць нафтахімічны комплекс, то гэта мадэрнізацыя асноўных вытворчых фондаў "Гродна Азота", рэалізацыя інвестыцыйных праектаў па выпуску новых прадуктаў у нафтаперапрацоўцы ("Мазырскі нафтаперапрацоўчы завод", "Нафтан")", - расказаў намеснік прэм'ер-міністра. Асобныя праекты рэалізуюцца ў дрэваапрацоўцы.
Усе гэтыя меры прымаюцца для павелічэння аб'ёмаў канкурэнтаздольнай прадукцыі, якая запатрабавана як унутры краіны, так і за яе межамі.-0-
Віцэ-прэм'ер падкрэсліў, што драйверам у развіцці эканомікі застаецца прамысловасць. Так, тэмп росту аб'ёмаў прамысловай вытворчасці за студзень - ліпень гэтага года склаў 107,5 працэнта да такога ж узроўню 2023-га. "З мэтай захавання такіх станоўчых паказчыкаў неабходна сканцэнтравацца на далейшым вырашэнні такіх асноўных пытанняў, як развіццё імпартазамяшчэння, у тым ліку ў рамках рэалізацыі інтэграцыйных праектаў з Расійскай Федэрацыяй. Гэта далейшая работа па стабілізацыі прадпрыемстваў дрэваапрацоўкі і павелічэнне аб'ёмаў вытворчасці адпаведнай прадукцыі, у тым ліку з наяўнасцю знешніх абмежаванняў і санкцыйнага націску. Таксама гэта пытанні павышэння эфектыўнасці галін і прадпрыемстваў за кошт укаранення новых тэхналогій, абсталявання, машын, механізмаў", - пералічыў Віктар Каранкевіч.
Асаблівую ўвагу трэба ўдзяліць рэалізацыі праектаў па імпартазамяшчэнні. Напрыклад, з Расіяй узгоднена 27 імпартазамяшчальных праектаў на агульную суму каля 168 млрд расійскіх рублёў. Значныя сумы асвоены па 25 праектах, якія знаходзяцца ў стадыі рэалізацыі. "Тут можна вылучыць асобныя праекты, накіраваныя і на мадэрнізацыю дзеючых вытворчасцей, павелічэнне аб'ёмаў вытворчасці, і пашырэнне асартыменту выпускаемай прадукцыі на такіх буйных прамысловых прадпрыемствах, як "Гомсельмаш", "Мінскі падшыпнікавы завод", "БЕЛАЗ", "АМКАДОР" і іншых. Калі браць нафтахімічны комплекс, то гэта мадэрнізацыя асноўных вытворчых фондаў "Гродна Азота", рэалізацыя інвестыцыйных праектаў па выпуску новых прадуктаў у нафтаперапрацоўцы ("Мазырскі нафтаперапрацоўчы завод", "Нафтан")", - расказаў намеснік прэм'ер-міністра. Асобныя праекты рэалізуюцца ў дрэваапрацоўцы.
Усе гэтыя меры прымаюцца для павелічэння аб'ёмаў канкурэнтаздольнай прадукцыі, якая запатрабавана як унутры краіны, так і за яе межамі.-0-
Падпісвайцеся на нас у
