Мабільная версія
ДЗЯРЖОРГАНЫ

Апошнія навіны
ІНФАГРАФІКА: Змяненне меж Мінска
Учора 13:03 Стужка навiн
Усе навіны

IKEA мае намер у 2021 годзе нарасціць пастаўкі беларускіх тавараў да 300 млн еўра

Эканоміка 18.09.2019 | 13:33
Фота з архіва
Фота з архіва

18 верасня, Мінск /Аліна Грышкевіч - БЕЛТА/. IKEA мае намер у 2021 годзе нарасціць пастаўкі тавараў беларускай вытворчасці да 300 млн еўра. Аб гэтым паведаміў журналістам, адказваючы на пытанне карэспандэнта БЕЛТА, першы намеснік міністра замежных спраў Беларусі Андрэй Еўдачэнка ў час беларуска-шведскай бізнес-сустрэчы ў Мінску.

Ён падкрэсліў, што ў мінулым годзе гэты паказчык складаў 130 млн еўра.

Першы намеснік міністра звярнуў увагу на важнасць развіцця беларуска-шведскага эканамічнага супрацоўніцтва.

У сваю чаргу Надзвычайны і Паўнамоцны Пасол Беларусі ў Швецыі Дзмітрый Мірончык паведаміў, што цяпер колькасць беларускіх пастаўшчыкоў для IKEA павялічылася да 12. Ён звярнуў увагу, што гэты рост сведчыць аб высокіх стандартах работы прадпрыемстваў з Беларусі. З 12 пастаўшчыкоў 4 з'яўляюцца дзяржаўнымі, 8 - прыватнымі (у тым ліку з замежнымі інвестыцыямі).

Дыпламат падкрэсліў, што беларуска-шведскае супрацоўніцтва ў цэлым развіваецца вельмі дынамічна. "Дзякуючы IKEA Швецыя ўвайшла ў дзясятку краін, куды больш за ўсё пастаўляецца беларускай мэблі", - заўважыў Дзмітрый Мірончык.

У бізнес-сустрэчы ўдзельнічаюць каля 100 чалавек, у тым ліку якія прадстаўляюць беларускія прадпрыемствы мэблевай, дрэваапрацоўчай і лёгкай прамысловасці. Такая сустрэча праводзілася ў Беларусі ў снежні мінулага года, што, на думку пасла, садзейнічала павелічэнню інтарэсу да супрацоўніцтва з IKEA.

Дзмітрый Мірончык звярнуў увагу, што ў ліку беларускіх паставак для IKEA не толькі мэбля, але і іншыя тавары. У прыватнасці, гэта насценны гадзіннік, які выпускае адна з невялікіх кампаній.

Што датычыцца магчымасці адкрыцця ў Беларусі магазіна IKEA, то Дзмітрый Мірончык падкрэсліў, што гэта пытанне абмяркоўваецца, але такое рашэнне можа прыняць толькі сама кампанія.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.