Фота з архіва БЦК
17 ліпеня, Мінск /Кар. БЕЛТА/. Холдынг "Беларуская цэментная кампанія" ў першым паўгоддзі 2025 года захаваў рэкордныя тэмпы вытворчасці і экспарту прадукцыі, паведамілі карэспандэнту БЕЛТА ў холдынгу.
Холдынг "БЦК" - буйнейшы холдынг у вытворчасці будматэрыялаў - у першым паўгоддзі 2025 года дэманструе значныя паказчыкі па экспарце цэменту. 12 чэрвеня зафіксавана адгрузка 1 млн т цэменту, а цяпер гэты паказчык перасягнуў ужо 1,3 млн. Забяспечаны тэмп росту экспарту тавараў у доларавым выражэнні на ўзроўні 104,9 працэнта да студзеня-чэрвеня 2024 года, адзначылі ў холдынгу. Дарэчы, 2024 год для экспарту быў рэкордным для холдынга і галіны: аб'ём паставак цэменту склаў 2359,5 тыс. тон.
Намеснік генеральнага дырэктара па знешнеэканамічнай дзейнасці Беларускай цэментнай кампаніі Вячаслаў Галавацкі пракаменціраваў: "Да ўласных рэкордаў экспарту холдынг ішоў сістэмна, планава. У некаторай ступені да высокіх паказчыкаў нас падштурхнулі нашы суседзі і тыя абставіны, якія складваюцца ў свеце ў цэлым. Яны прымусілі нас поўнасцю перастроіцца".
Холдынг апошнія гады арыентаваны на рынак Расійскай Федэрацыі - Цэнтральную, Паўночна-Заходнюю федэральныя акругі і Калінінградскую вобласць. Асноўныя спажыўцы прадукцыі - у Маскве і Маскоўскай вобласці. Беларускі цэмент таксама выкарыстоўваецца пры будаўніцтве аб'ектаў у Санкт-Пецярбургу, Смаленску, Бранску і іншых гарадах. Экспарт ажыццяўляецца як па прамых кантрактах холдынга, так і праз гандлёвыя дамы ў Калінінградзе, Маскве і Смаленску. Для паставак у Калінінградскую вобласць выкарыстоўваюцца мультымадальныя перавозкі з перагрузкай у партах Ленінградскай вобласці.
"Нам удалося інфраструктурна змяніць наш экспарт, увайсці ў Расійскую Федэрацыю інфраструктурна і прадаставіць нашым кліентам сэрвіс, - адзначыў Вячаслаў Галавацкі. - З 2024-га, рэкорднага для нас года, дадаткова да таго, што прадастаўлялі сэрвіс нашым кліентам, мы дастаўлялі наш якасны прадукт, абмінаючы ланцужкі, існаваўшыя раней. Мы адкрылі свае гандлёвыя дамы, 100 працэнтаў даччыныя прадпрыемствы, і пачалі пастаўляць туды цэмент паяздамі. У партнёрстве з "Беларуськаліем" рэалізаваны праект па дастаўцы цэменту ў Маскву і Маскоўскую вобласць у мінералавозах. Гэта значыць мы ўстанавілі лагістычны кантроль над перавалкамі і маршрутызавалі нашы пастаўкі".
Поспехі ў продажах, экспарце, у лагістыцы даюць заказы, якія паспяхова рэалізуюцца вытворчасцямі холдынга. Так, па стане на 1 ліпеня прадпрыемствамі холдынга выраблена 2,7 млн т цэменту, рост да аналагічнага перыяду мінулага года - 110,2 працэнта.
Тры галоўныя заводы, якія складаюць фундамент холдынга, - ААТ "Беларускі цэментны завод", ААТ "Крычаўцэментнашыфер" і ААТ "Краснасельскбудматэрыялы" - працуюць з максімальнай загрузкай, што дае магчымасць нарошчваць тэмпы вытворчасці якаснай і запатрабаванай прадукцыі, таксама перавышаючы паказчык мінулага года, які і ў плане вытворчасці быў рэкордным для холдынга і будаўнічай галіны краіны (аб'ём вытворчасці цэменту па выніках мінулага года склаў 5336 тыс. т).
Рэкордныя паказчыкі вытворчасці і экспарту прадукцыі холдынга - вынік зладжанай работы ўсіх заводаў і іх філіялаў, усёй з'яднанай прафесійнай каманды, а гэта больш за 8,5 тыс. чалавек. На гэта таксама паўплывала сістэмная мадэрнізацыя вытворчых магутнасцей.
"Трэба аддаць належнае кіраўніку дзяржавы, інвестыцыям у нашу галіну, таму што менавіта дзякуючы ім атрымалася мадэрнізаваць нашы вытворчасці і ўдасканаліць якасць прадукцыі. І гэта дало магчымасць нашу краіну, нашу Беларусь засцерагчы ад небяспекі. Таму што, вырабляючы больш за 5 млн т цэменту, мы поўнасцю забяспечваем усю будаўнічую галіну Рэспублікі Беларусь. А 45 працэнтаў нашых вытворчых магутнасцей задзейнічаны на экспарт", - адзначыў намеснік генеральнага дырэктара.-0-
Холдынг "БЦК" - буйнейшы холдынг у вытворчасці будматэрыялаў - у першым паўгоддзі 2025 года дэманструе значныя паказчыкі па экспарце цэменту. 12 чэрвеня зафіксавана адгрузка 1 млн т цэменту, а цяпер гэты паказчык перасягнуў ужо 1,3 млн. Забяспечаны тэмп росту экспарту тавараў у доларавым выражэнні на ўзроўні 104,9 працэнта да студзеня-чэрвеня 2024 года, адзначылі ў холдынгу. Дарэчы, 2024 год для экспарту быў рэкордным для холдынга і галіны: аб'ём паставак цэменту склаў 2359,5 тыс. тон.
Намеснік генеральнага дырэктара па знешнеэканамічнай дзейнасці Беларускай цэментнай кампаніі Вячаслаў Галавацкі пракаменціраваў: "Да ўласных рэкордаў экспарту холдынг ішоў сістэмна, планава. У некаторай ступені да высокіх паказчыкаў нас падштурхнулі нашы суседзі і тыя абставіны, якія складваюцца ў свеце ў цэлым. Яны прымусілі нас поўнасцю перастроіцца".
Холдынг апошнія гады арыентаваны на рынак Расійскай Федэрацыі - Цэнтральную, Паўночна-Заходнюю федэральныя акругі і Калінінградскую вобласць. Асноўныя спажыўцы прадукцыі - у Маскве і Маскоўскай вобласці. Беларускі цэмент таксама выкарыстоўваецца пры будаўніцтве аб'ектаў у Санкт-Пецярбургу, Смаленску, Бранску і іншых гарадах. Экспарт ажыццяўляецца як па прамых кантрактах холдынга, так і праз гандлёвыя дамы ў Калінінградзе, Маскве і Смаленску. Для паставак у Калінінградскую вобласць выкарыстоўваюцца мультымадальныя перавозкі з перагрузкай у партах Ленінградскай вобласці.
"Нам удалося інфраструктурна змяніць наш экспарт, увайсці ў Расійскую Федэрацыю інфраструктурна і прадаставіць нашым кліентам сэрвіс, - адзначыў Вячаслаў Галавацкі. - З 2024-га, рэкорднага для нас года, дадаткова да таго, што прадастаўлялі сэрвіс нашым кліентам, мы дастаўлялі наш якасны прадукт, абмінаючы ланцужкі, існаваўшыя раней. Мы адкрылі свае гандлёвыя дамы, 100 працэнтаў даччыныя прадпрыемствы, і пачалі пастаўляць туды цэмент паяздамі. У партнёрстве з "Беларуськаліем" рэалізаваны праект па дастаўцы цэменту ў Маскву і Маскоўскую вобласць у мінералавозах. Гэта значыць мы ўстанавілі лагістычны кантроль над перавалкамі і маршрутызавалі нашы пастаўкі".
Поспехі ў продажах, экспарце, у лагістыцы даюць заказы, якія паспяхова рэалізуюцца вытворчасцямі холдынга. Так, па стане на 1 ліпеня прадпрыемствамі холдынга выраблена 2,7 млн т цэменту, рост да аналагічнага перыяду мінулага года - 110,2 працэнта.
Тры галоўныя заводы, якія складаюць фундамент холдынга, - ААТ "Беларускі цэментны завод", ААТ "Крычаўцэментнашыфер" і ААТ "Краснасельскбудматэрыялы" - працуюць з максімальнай загрузкай, што дае магчымасць нарошчваць тэмпы вытворчасці якаснай і запатрабаванай прадукцыі, таксама перавышаючы паказчык мінулага года, які і ў плане вытворчасці быў рэкордным для холдынга і будаўнічай галіны краіны (аб'ём вытворчасці цэменту па выніках мінулага года склаў 5336 тыс. т).
Рэкордныя паказчыкі вытворчасці і экспарту прадукцыі холдынга - вынік зладжанай работы ўсіх заводаў і іх філіялаў, усёй з'яднанай прафесійнай каманды, а гэта больш за 8,5 тыс. чалавек. На гэта таксама паўплывала сістэмная мадэрнізацыя вытворчых магутнасцей.
"Трэба аддаць належнае кіраўніку дзяржавы, інвестыцыям у нашу галіну, таму што менавіта дзякуючы ім атрымалася мадэрнізаваць нашы вытворчасці і ўдасканаліць якасць прадукцыі. І гэта дало магчымасць нашу краіну, нашу Беларусь засцерагчы ад небяспекі. Таму што, вырабляючы больш за 5 млн т цэменту, мы поўнасцю забяспечваем усю будаўнічую галіну Рэспублікі Беларусь. А 45 працэнтаў нашых вытворчых магутнасцей задзейнічаны на экспарт", - адзначыў намеснік генеральнага дырэктара.-0-
Падпісвайцеся на нас у
