15 красавіка, Гродна /Кар. БЕЛТА/. У кліенцкім партфелі ААТ "Гродна Азот" на гэты час няма кампаніі Helm AG. Такая інфармацыя размешчана на сайце "Гродна Азота", паведамляе БЕЛТА.
Раней у інтэрнэце з'явілася інфармацыя аб прыпыненні супрацоўніцтва кампаніі Helm AG з ААТ "Гродна Азот". На прадпрыемстве растлумачылі, што афіцыйных заяў з боку нямецкай кампаніі не паступала.
"Мы супрацоўнічаем з Helm AG з 2010 года. Кампанія з'яўляецца адным з нашых партнёраў па закупцы азотных угнаенняў. Апошняе супрацоўніцтва з ёю было ў лютым 2020 года. З таго часу мы не працавалі. Цяпер у кліенцкім партфелі ААТ "Гродна Азот" гэтай кампаніі няма", - адзначыла начальнік аддзела маркетынгу Таццяна Раманюк. Яна падкрэсліла, што ў розныя перыяды ўдзельная вага кампаніі ў долі экспарту складала ад 2 да 10 працэнтаў.
Разам з тым на прадпрыемстве расцэньваюць Helm AG як патэнцыяльнага партнёра ў выпадку наяўнасці ў гродзенскага вытворцы экспартнага рэсурсу.-0-