Фота з архіва
1 сакавіка, Гомель /Кар. БЕЛТА/. Унікальную горна-ўзбагачальную вытворчасць адкрывае "Беларуснафта" ў Брэсцкай вобласці, паведамілі БЕЛТА на прадпрыемстве.
Гэты праект беларускіх нафтавікоў - важны крок у напрамку імпартазамяшчэння і ўмацавання сыравіннай незалежнасці кампаніі. Як адзначылі на прадпрыемстве, у перспектыве прадукцыяй будзе забяспечаны ўнутраны і знешні рынкі.
Нагадаем, стварэнне вытворчага ўпраўлення "БелКварц" у Маларыцкім раёне - падраздзялення па выпуску фракцыйнага кварцавага пяску - пачалося менш як год таму. Усе неабходныя работы завершаны ў рэкордна кароткія тэрміны.
"Фракцыйны кварцавы пясок неабходны для аперацый па гідраразрыве пласта (ГРП). Гэту методыку "Беларуснафта" актыўна прымяняе для атрымання цяжказдабыўных запасаў чорнага золата. Расходнымі матэрыяламі пры правядзенні ГРП з'яўляюцца прапант і пяскі, якія раней набываліся за межамі краіны. Спецыялісты кампаніі падабралі ім айчынную альтэрнатыву", - растлумачылі ў "Беларуснафце". Так, пясок Хаціслаўскага радовішча мае найбольш аптымальныя параметры для нафтаздабычы. Да гэтай высновы на прадпрыемстве прыйшлі па выніках даследавання 13 кар'ераў у розных рэгіёнах Беларусі. Матэрыял з Хаціслаўскай плошчы прайшоў каля дзвюх тысяч аналізаў, таму тут жа "Беларуснафта" і стварыла паўнацэнную вытворчасць для ўзбагачэння пяску.
"БелКварц" уключае развітую інжынерную інфраструктуру - ад вытворчых ліній і расфасоўкі пяску да водазаборных свідравін і лабараторый. Гадавая прадукцыйнасць - каля 50 тыс. т гатовай прадукцыі.
Для "Беларуснафты" гэта абсалютна новы прамысловы фармат, падкрэслілі ў кампаніі. Разам з тым ён дасць магчымасць забяспечыць эканамічны эфект, у прыватнасці скараціць расходы пры правядзенні ГРП на 30 працэнтаў і прапануе жыхарам рэгіёна больш за 30 рабочых месцаў. "Вопыт айчынных і замежных партнёраў, даследаванні вельмі шырокага спектра, інтэнсіўная работа ў няпростых прыродных умовах, а таксама комплексная дзяржаўная падтрымка дапамаглі ажыццявіць адзін з самых амбіцыйных праектаў беларускіх нафтавікоў за апошнія гады", - рэзюмавалі на прадпрыемстве.
Генпадрадчыкам па рэалізацыі новага вытворчага праекта выступіла падраздзяленне прадпрыемства - "Нафтаспецбуд", галоўным праекціроўшчыкам - БелНДПІнафта ў цесным супрацоўніцтве з калегамі з "Нафтахімпраекта" і пабочнымі спецыялістамі. На аб'екце былі задзейнічаны працоўныя рэсурсы як кампаніі, так і рэгіёна. У ліку субпадрадчыкаў - Вышкамантажнае ўпраўленне "Беларуснафты", "Брэстжылбуд" і гэтак далей. Куратар праекта на стадыі стварэння - НГЗУ "Рэчыцанафта" пры падтрымцы цэнтральнага апарату кампаніі.
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін.-0-
Гэты праект беларускіх нафтавікоў - важны крок у напрамку імпартазамяшчэння і ўмацавання сыравіннай незалежнасці кампаніі. Як адзначылі на прадпрыемстве, у перспектыве прадукцыяй будзе забяспечаны ўнутраны і знешні рынкі.
Нагадаем, стварэнне вытворчага ўпраўлення "БелКварц" у Маларыцкім раёне - падраздзялення па выпуску фракцыйнага кварцавага пяску - пачалося менш як год таму. Усе неабходныя работы завершаны ў рэкордна кароткія тэрміны.
"Фракцыйны кварцавы пясок неабходны для аперацый па гідраразрыве пласта (ГРП). Гэту методыку "Беларуснафта" актыўна прымяняе для атрымання цяжказдабыўных запасаў чорнага золата. Расходнымі матэрыяламі пры правядзенні ГРП з'яўляюцца прапант і пяскі, якія раней набываліся за межамі краіны. Спецыялісты кампаніі падабралі ім айчынную альтэрнатыву", - растлумачылі ў "Беларуснафце". Так, пясок Хаціслаўскага радовішча мае найбольш аптымальныя параметры для нафтаздабычы. Да гэтай высновы на прадпрыемстве прыйшлі па выніках даследавання 13 кар'ераў у розных рэгіёнах Беларусі. Матэрыял з Хаціслаўскай плошчы прайшоў каля дзвюх тысяч аналізаў, таму тут жа "Беларуснафта" і стварыла паўнацэнную вытворчасць для ўзбагачэння пяску.
"БелКварц" уключае развітую інжынерную інфраструктуру - ад вытворчых ліній і расфасоўкі пяску да водазаборных свідравін і лабараторый. Гадавая прадукцыйнасць - каля 50 тыс. т гатовай прадукцыі.
Для "Беларуснафты" гэта абсалютна новы прамысловы фармат, падкрэслілі ў кампаніі. Разам з тым ён дасць магчымасць забяспечыць эканамічны эфект, у прыватнасці скараціць расходы пры правядзенні ГРП на 30 працэнтаў і прапануе жыхарам рэгіёна больш за 30 рабочых месцаў. "Вопыт айчынных і замежных партнёраў, даследаванні вельмі шырокага спектра, інтэнсіўная работа ў няпростых прыродных умовах, а таксама комплексная дзяржаўная падтрымка дапамаглі ажыццявіць адзін з самых амбіцыйных праектаў беларускіх нафтавікоў за апошнія гады", - рэзюмавалі на прадпрыемстве.
Генпадрадчыкам па рэалізацыі новага вытворчага праекта выступіла падраздзяленне прадпрыемства - "Нафтаспецбуд", галоўным праекціроўшчыкам - БелНДПІнафта ў цесным супрацоўніцтве з калегамі з "Нафтахімпраекта" і пабочнымі спецыялістамі. На аб'екце былі задзейнічаны працоўныя рэсурсы як кампаніі, так і рэгіёна. У ліку субпадрадчыкаў - Вышкамантажнае ўпраўленне "Беларуснафты", "Брэстжылбуд" і гэтак далей. Куратар праекта на стадыі стварэння - НГЗУ "Рэчыцанафта" пры падтрымцы цэнтральнага апарату кампаніі.
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін.-0-
