Сцяг Пятніца, 29 сакавіка 2024
Усе навіны
Усе навіны
Эканоміка
07 кастрычніка 2021, 11:26

"Гомельтранснафта Дружба" ўвяла ў эксплуатацыю рэзервуар на станцыі "Полацк"

7 кастрычніка, Гомель /Кар. БЕЛТА/. ААТ "Гомельтранснафта Дружба" на лінейнай вытворча-дыспетчарскай станцыі "Полацк" філіяла па транспарціроўцы нафты "Наваполацк" увяло ў эксплуатацыю пасля рэканструкцыі жалезабетонны рэзервуар нумар 3, паведамляе БЕЛТА са спасылкай на сайт прадпрыемства.

У ААТ адзначылі, што "Гомельтранснафта Дружба" прадаўжае рэалізацыю праграмы па рэканструкцыі і падтрыманні ў належным стане рэзервуарных паркаў прадпрыемства.

У час будаўнічых работ на ЛВДС "Полацк" выканалі дэмантаж існуючага даху, узмацнілі ўнутраныя калоны жалезабетоннага рэзервуара, замянілі тэхналагічныя трубаправоды, таксама правялі замену і пракладку новых кабельных ліній, сетак аўтаматызацыі.

Паводле слоў спецыялістаў, праведзеная рэканструкцыя павысіць надзейнасць работы рэзервуарнага парку ЛВДС "Полацк", дасць магчымасць забяспечыць яго безаварыйную работу, прадоўжыць тэрмін эксплуатацыі.-0-

Падпісвайцеся на нас у
Twitter
Топ-навіны
Свежыя навіны Беларусі