ДЗЯРЖОРГАНЫДЗЯРЖОРГАНЫ
Флаг Панядзелак, 27 верасня 2021
Мінск Ясна +13°C
Усе навіны
Усе навіны
Эканоміка
27 ліпеня 2021, 15:50

Гомельскія прадпрыемствы заключылі кантракты з партнёрамі з Расіі больш як на $269 млн

Фота з архіва
Фота з архіва

27 ліпеня, Гомель /Кар. БЕЛТА/. Прадпрыемствы і арганізацыі Гомельскай вобласці за студзень - чэрвень 2021 года заключылі знешнегандлёвыя кантракты з расійскімі партнёрамі больш як на $269 млн, паведамілі БЕЛТА ў Гомельскім аблвыканкаме.

Супрацоўніцтва расійскіх і беларускіх кампаній прадаўжае ўмацоўвацца. Так, у канцы чэрвеня 2021 года ў анлайн-рэжыме падпісаны кантракт паміж ААТ "Гомельскі хімічны завод" і ТАА "Гандлёвы дом ВАСТЭКО" (Ніжні Ноўгарад) на агульную суму 878,7 млн ​​расійскіх рублёў.

Акрамя вытворчай сферы, ёсць сталыя кантакты ў будаўнічай індустрыі. Напрыклад, ААТ "Мазырскі ДБК" выкарыстоўвае высокатэхналагічнае абсталяванне па вытворчасці энергаэфектыўных уцепленых сэндвіч-панэлей, на прадпрыемстве адкрыты цэх па вытворчасці аконных шклопакетаў. "Работы праводзіліся ў рамках кантрактаў з расійскімі ТАА "Беларускі дом" (Калуга) і ТАА "Каскад" (Курск)", - расказалі ў аблвыканкаме. ААТ "Буравая кампанія "Дэльта" выконвае работы па ўсталяванні буранабіўных паляў у Расіі.

Напрацаваны таксама паспяховы вопыт праектавання аб'ектаў у Расіі з прымяненнем BIM-тэхналогіі. Больш за 20 праектаў беларускіх інстытутаў адзначаны дыпломамі нацыянальных і іншых фестываляў архітэктуры. Значную долю заказаў выконваюць супрацоўнікі ААТ "Гомельпраект" і ААТ "Інстытут Гомельаблбудпраект". Праектныя інстытуты распрацоўваюць праектна-каштарысную дакументацыю для будаўніцтва аб'ектаў жыллёва-грамадзянскага і вытворчага прызначэння.

У сферы гандлю ў 2021 годзе заключана 50 кантрактаў з суб'ектамі гаспадарання Расійскай Федэрацыі.

З трохдзённым візітам Надзвычайны і Паўнамоцны Пасол Расійскай Федэрацыі ў Рэспубліцы Беларусь Яўген Лук'янаў наведвае Гомельскую вобласць. На сустрэчы са старшынёй Гомельскага аблвыканкама Генадзем Салаўём сёння абмеркаваны існуючыя пункты ўзаемадзення, а таксама патэнцыяльныя напрамкі супрацоўніцтва на перспектыву. У час паездкі Яўген Лук'янаў азнаёміцца ​​з работай прамысловых прадпрыемстваў рэгіёна, у тым ліку ААТ "Гомсельмаш", ААТ "Мазырскі нафтаперапрацоўчы завод", ТАА "Міртэк-інжынірынг" і інш.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі