ДЗЯРЖОРГАНЫДЗЯРЖОРГАНЫ
Флаг Серада, 8 лютага 2023
Мінск Суцэльная воблачнасць -10°C
Усе навіны
Усе навіны
Эканоміка
08 снежня 2022, 11:03

Гандлёвае і фінансавае супрацоўніцтва краін АЧЭС абмяркоўваюць у Бялградзе з удзелам беларускага боку

Фота з архіва
Фота з архіва

8 снежня, Мінск /Кар. БЕЛТА/. Гандлёва-эканамічнае, фінансавае і гуманітарнае супрацоўніцтва дзяржаў - членаў Арганізацыі Чарнаморскага эканамічнага супрацоўніцтва абмяркоўваюць 7-8 снежня на пленарным пасяджэнні Генеральнай асамблеі ПА ЧЭС, паведамілі БЕЛТА ў прэс-службе Савета Рэспублікі.

Удзел у мерапрыемствах асамблеі ў Бялградзе прымае старшыня Пастаяннай камісіі Савета Рэспублікі Нацыянальнага сходу Рэспублікі Беларусь па эканоміцы, бюджэце і фінансах, кіраўнік дэлегацыі Нацыянальнага сходу па ажыццяўленні кантактаў з Парламенцкай асамблеяй Чарнаморскага эканамічнага супрацоўніцтва, член камісіі Парламенцкага сходу Саюза Беларусі і Расіі па бюджэце, падатках і фінансавым рынку Таццяна Рунец.

У 2022 годзе Народная скупшчына Сербіі старшынствуе ў ПА ЧЭС, і Бялград прымае пасяджэнні 60-й Генеральнай асамблеі гэтай міжпарламенцкай структуры.

У час цырымоніі адкрыцця юбілейнай Генеральнай асамблеі перад яе ўдзельнікамі выступілі старшыня Народнай скупшчыны Сербіі Уладзімір Орліч і першы намеснік прэм'ер-міністра па пытаннях знешняй палітыкі і бяспекі і міністр замежных спраў Сербіі Івіца Дачыч.

Кіраўнік сербскай дэлегацыі ў ПА ЧЭС Ігар Бечыч агучыў прывітанне ўдзельнікам асамблеі ад прэзідэнта Сербіі Аляксандра Вучыча.

На парадку дня пленарнага пасяджэння - 13 пытанняў па ўсім спектры гандлёва-эканамічнага, фінансавага і гуманітарнага супрацоўніцтва дзяржаў - членаў Арганізацыі Чарнаморскага эканамічнага супрацоўніцтва.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі