Сцяг Аўторак, 18 чэрвеня 2024
Усе навіны
Усе навіны
Эканоміка
22 лютага 2024, 16:29

Гандлёва-прамысловая палата Кыргызстана будзе садзейнічаць развіццю біржавога гандлю з Беларуссю

Фота з архіва
Фота з архіва
22 лютага, Мінск /Кар. БЕЛТА/. Гандлёва-прамысловая палата Кыргызстана аб'яднае намаганні з Беларускай універсальнай таварнай біржай па развіцці біржавога гандлю паміж Беларуссю і Кыргызстанам. Такая дамоўленасць дасягнута ў час сустрэчы прадстаўнікоў БУТБ і ГПП Кыргызстана, арганізаванай 22 лютага ў фармаце відэаканферэнцыі, паведамілі БЕЛТА ў прэс-службе БУТБ.

Па выніках абмену думкамі бакі вызначылі перспектыўныя напрамкі ўзаемадзеяння, рэалізацыя якіх дазволіць павялічыць колькасць кыргызскіх кампаній, якія прымяняюць біржавы механізм, і кратна нарасціць аб'ёмы здзелак, што заключаюцца рэзідэнтамі Кыргызстана на платформе БУТБ.

У прыватнасці, ГПП Кыргызстана выказала гатоўнасць аказаць садзейнічанне ў прыцягненні на біржавыя таргі новых удзельнікаў з ліку членаў палаты, а таксама дапамагчы з пошукам кампаніі, якая стала б брокерам БУТБ у Кыргызстане. Што датычыцца таварных пазіцый, якія ўяўляюць цікавасць для ўзаемнага біржавога гандлю, то, на думку бакоў, у Кыргызстан праз біржавую пляцоўку мэтазгодна экспартаваць піламатэрыялы, прадукцыю перапрацоўкі цукровых буракоў, сухое малако і стальную арматуру, у той час як на беларускім рынку будзе запатрабавана харчовая сыравіна, бакалея і баваўнянае валакно.

"Мы падтрымліваем усе прапанаваныя біржай напрамкі супрацоўніцтва і гатовы дэталёва прапрацаваць кожны з іх. Вядома ж, асаблівую ўвагу пастараемся ўдзяліць інфармаванню кыргызскіх дзелавых колаў аб магчымасцях выкарыстання біржавых таргоў для вядзення бізнесу ў Беларусі. Гэта могуць быць як анлайн-семінары і канферэнцыі, так і вочныя мерапрыемствы, у тым ліку выязныя. Напрыклад, у красавіку гэтага года запланаваны візіт у Мінск кыргызскай бізнес-дэлегацыі на чале з прэзідэнтам нашай гандлёва-прамысловай палаты. Дык вось, наведванне біржы будзе абавязкова ўключана ў дзелавую праграму", - заявіла кіраўнік Дэпартамента міжнароднага супрацоўніцтва ГПП Кыргызстана Назіра Каціпава.

ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.

Цяпер на БУТБ акрэдытаваны 25 рэзідэнтаў Кыргызстана. Па выніках 2023 года сума здзелак удзельнікаў біржавых таргоў з гэтай краіны вырасла на 34 працэнты за кошт закупак беларускіх піламатэрыялаў і цукру.-0-
Падпісвайцеся на нас у
Twitter
Топ-навіны
Свежыя навіны Беларусі