ДЗЯРЖОРГАНЫДЗЯРЖОРГАНЫ
Флаг Нядзеля, 27 лістапада 2022
Мінск -2°C
Усе навіны
Усе навіны
Эканоміка
07 кастрычніка 2022, 13:16

Галоўчанка: эканоміка дэманструе гістарычна высокія якасныя паказчыкі збалансаванасці

Фота з архіва
Фота з архіва

7 кастрычніка, Мінск /Кар. БЕЛТА/. Эканоміка дэманструе гістарычна высокія якасныя паказчыкі збалансаванасці. Аб гэтым заявіў прэм'ер-міністр Раман Галоўчанка ў час інфармавання прадстаўнікоў сілавога блока па пытаннях ваенна-палітычнай і сацыяльна-эканамічнай абстаноўкі, перадае карэспандэнт БЕЛТА.

"Эканоміка дэманструе гістарычна высокія якасныя паказчыкі збалансаванасці. Гэта падкрэслівае высокую адаптыўнасць беларускай эканомікі да знешніх шокаў, адэкватнасць і дзейснасць прымаемых мер, - сказаў Раман Галоўчанка. - Вядома, было б звышаптымістычным чакаць, што санкцыі на нас ніяк не паўплываюць, таму што супраць нас быў зроблены сур'ёзны масіраваны ўдар. Зразумела, што на пэўным этапе эканоміка страціла частку сваёй валавой дабаўленай вартасці. Тым не менш пачынаючы са жніўня паляпшаецца месячная дынаміка ВУП. Па выніках 8 месяцаў паказчык прыбавіў 0,3 працэнтнага пункта да студзеня-ліпеня і склаў 95,1 працэнта. Гэта сведчыць аб тым, што эканоміка выходзіць на траекторыю аднаўленчага росту. Гэту тэндэнцыю трэба замацоўваць".

Паводле яго слоў, забяспечана дадатнае сальда знешняга гандлю. За студзень-ліпень - $2,8 млрд, гэта гістарычны максімум. У параўнанні з аналагічным перыядам 2021 года гэты паказчык палепшыўся на $700 млн. Прямыя замежныя інвестыцыі на чыстай аснове за першае паўгоддзе 2022 года склалі $1,7 млрд.

Урад сумесна з Нацыянальным банкам правёў работу па стабілізацыі сітуацыі на фінансавым рынку краіны. "Ажыятажнага попыту на замежную валюту няма. Насельніцтва з пачатку года прадало на чыстай аснове каля $400 млн. Растуць тэрміновыя дэпазіты насельніцтва ў беларускіх рублях. Іх прырост склаў амаль Br1 млрд, або 20 працэнтаў. Стабільнасць курса беларускага рубля ўсяліла ў людзей упэўненасць", - падкрэсліў прэм'ер-міністр.

Як адзначыў Раман Галоўчанка, з пачатку года беларускі рубель умацаваўся да еўра на 17 працэнтаў, да долара ЗША - на 4 працэнты. Аб'ём золатавалютных рэзерваў краіны на 1 кастрычніка склаў $7,5 млрд пры запланаваным узроўні не менш як $7 млрд.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі