7 лютага, Мінск /Кар. БЕЛТА/. Доля падатковых плацяжоў у бюджэце краіны застаецца высокай і складае 66 працэнтаў. Аб гэтым сказаў прэм'ер-міністр Раман Галоўчанка на пашыраным пасяджэнні калегіі Міністэрства па падатках і зборах, перадае карэспандэнт БЕЛТА.
"У цэлым з пастаўленымі ў 2023 годзе задачамі міністэрства справілася. Падатковы складнік як найбольш важная частка фінансавай сістэмы краіны, нягледзячы на няпростыя эканамічныя ўмовы, з'яўляецца дастаткова адэкватным і адпаведным нашай макраэканамічнай сітуацыі. Мы назіраем рост як па зборы падатковых плацяжоў, так і па паступленні ў бюджэт. Доля падатковых плацяжоў у бюджэце краіны застаецца высокай і складае 66 працэнтаў", - сказаў Раман Галоўчанка.
Паводле яго слоў, асноўная задача падатковых органаў - забяспечыць даходы бюджэту ў тых аб'ёмах, якія неабходны для рэалізацыі дзяржаўных задач і інтарэсаў. Але гэта магчыма толькі пры ўмове, калі будзе працаваць эканоміка. "Калі эканоміка функцыянуе ў складаных знешніх умовах, ва ўмовах санкцый, роля падатковых органаў у фарміраванні камфортнага бізнес-асяроддзя застаецца важкай", - адзначыў кіраўнік урада.
"Важна захаваць баланс інтарэсаў дзяржавы і бізнесу. З аднаго боку, забяспечыць эфектыўны кантроль за паўнатой і своечасовасцю паступлення плацяжоў, з другога - захаваць бізнес і не нанесці яму непрымальнага ўрону", - падкрэсліў прэм'ер-міністр.-0-