13 жніўня, Навагрудак /Кар. БЕЛТА/. Да снежня Беларусь будзе цалкам гатова да перавалкі ўгнаенняў праз альтэрнатыўныя пункты. Аб гэтым сёння, адказваючы на пытанне аб заявах літоўскага боку наконт прыпынення транзіту беларускіх угнаенняў, паведаміў прэм'ер-міністр Раман Галоўчанка, паведамляе карэспандэнт БЕЛТА.
"Перш за ўсё, нам ніхто пра гэта не паведаміў. Даведаўся пра гэта са СМІ. Не ведаю, гэта меркаванне прыватнае або дзяржаўная пазіцыя. У любым выпадку мы мелі на ўвазе гэты варыянт. Рыхтаваліся і прапрацоўвалі альтэрнатыўныя маршруты паставак беларускіх угнаенняў", - адзначыў Раман Галоўчанка.
"Цяпер працуем у цесным кантакце з расійскімі партнёрамі. Вывучаем, дзе найбольшая маржынальнасць пры адгрузцы, іншыя лагістычныя тонкасці, звязаныя з суднамі пэўнага тыпу, складамі, магутнасцямі для захоўвання", - расказаў прэм'ер-міністр. Паводле яго слоў, сярод разглядаемых варыянтаў парты ў Мурманску і Ленінградскай вобласці.
Праблем, на думку Рамана Галоўчанкі, не павінна ўзнікнуць. Работа па гэтым напрамку вядзецца даўно. "Ёсць падтрымка і Расійскай Федэрацыі. Упэўнены, выйдзем і на спецыяльныя тарыфы па чыгуначных перавозках, якія будуць кампенсаваць павелічэнне далёкасці перавозкі. Работа вядзецца інтэнсіўна, таму да снежня, калі, як нас апавясцілі, спыняць транспарціроўку, мы будзем цалкам гатовы да перавалкі ўгнаенняў праз альтэрнатыўныя пункты", - заявіў ён.
Паводле падлікаў беларускага боку, калі Літва прыме такое рашэнне самастойна, то страты выручкі для яе складуць каля 100 млн еўра.-0-
"Перш за ўсё, нам ніхто пра гэта не паведаміў. Даведаўся пра гэта са СМІ. Не ведаю, гэта меркаванне прыватнае або дзяржаўная пазіцыя. У любым выпадку мы мелі на ўвазе гэты варыянт. Рыхтаваліся і прапрацоўвалі альтэрнатыўныя маршруты паставак беларускіх угнаенняў", - адзначыў Раман Галоўчанка.
"Цяпер працуем у цесным кантакце з расійскімі партнёрамі. Вывучаем, дзе найбольшая маржынальнасць пры адгрузцы, іншыя лагістычныя тонкасці, звязаныя з суднамі пэўнага тыпу, складамі, магутнасцямі для захоўвання", - расказаў прэм'ер-міністр. Паводле яго слоў, сярод разглядаемых варыянтаў парты ў Мурманску і Ленінградскай вобласці.
Праблем, на думку Рамана Галоўчанкі, не павінна ўзнікнуць. Работа па гэтым напрамку вядзецца даўно. "Ёсць падтрымка і Расійскай Федэрацыі. Упэўнены, выйдзем і на спецыяльныя тарыфы па чыгуначных перавозках, якія будуць кампенсаваць павелічэнне далёкасці перавозкі. Работа вядзецца інтэнсіўна, таму да снежня, калі, як нас апавясцілі, спыняць транспарціроўку, мы будзем цалкам гатовы да перавалкі ўгнаенняў праз альтэрнатыўныя пункты", - заявіў ён.
Паводле падлікаў беларускага боку, калі Літва прыме такое рашэнне самастойна, то страты выручкі для яе складуць каля 100 млн еўра.-0-
