30 студзеня, Алматы /Кар. БЕЛТА/. Беларусь разлічвае рэалізаваць у Іране праекты па вытворчасці тэхнікі. Аб гэтым заявіў прэм'ер-міністр Беларусі Раман Галоўчанка ў час сустрэчы з першым віцэ-прэзідэнтам Ірана Махамадам Рэзой Арэфам у Алматы, паведамляе карэспандэнт БЕЛТА.
Як адзначана на сустрэчы, сумеснымі намаганнямі Беларусь і Іран прадоўжаць мэтанакіраваную работу па нарошчванні ўзаемадзеяння на карысць дзвюх краін.
"Кантакты Беларусі і Ірана інтэнсіўна развіваюцца на ўсіх узроўнях - ад кіраўнікоў дзяржаў да міністэрстваў, ведамстваў і бізнесу, - сказаў Раман Галоўчанка. - Я быў з афіцыйным візітам у Тэгеране ў канцы 2022 года. Потым мы прымалі ў Мінску вашага калегу Махамада Махбера. Зусім нядаўна адбылося пасяджэнне міжурадавай камісіі. Я сустрэўся з міністрам прамысловасці, шахтаў і гандлю Ірана, мы правялі змястоўную размову адносна падрыхтоўкі візіту Прэзідэнта Ірана ў Беларусь і згадзіліся, што трэба вельмі добра падрыхтаваць гэты візіт і насыціць яго эканамічным парадкам дня".
Паводле яго слоў, цяпер на парадку дня некалькі вельмі важных сумесных праектаў для рэалізацыі ў сферы прамысловай кааперацыі. "Доўгі час абмяркоўваюцца падыходы да іх. Лічым, што надышоў час перайсці да іх практычнай рэалізацыі. Размова ідзе аб вытворчасці ў Іране трактарнай тэхнікі, камбайнаў, пасажырскай тэхнікі (аўтобусаў, электробусаў). Улічваючы тую ўвагу, якую кіраўніцтва Ірана ўдзяляе зялёнай энергетыцы, экалагічнай праблемам, мы прапануем выкарыстоўваць наш вопыт у сферы электратранспарту", - адзначыў прэм'ер-міністр, а таксама звярнуў увагу, што Беларусь - адзін з асноўных пастаўшчыкоў цяжкіх самазвалаў для горназдабыўной галіны Ірана.
Першы віцэ-прэзідэнт Ірана ў сваю чаргу адзначыў добры ўзровень палітычных адносін паміж краінамі. "А ў эканамічным плане нам трэба прыкладаць больш намаганняў. Безумоўна, абмен візітамі дапамагае ў дасягненні гэтых мэт. Неабходна, каб дасягнутыя дамоўленасці рэалізоўваліся на практыцы. У гэтым годзе Беларусь старшынствуе ў ЕАЭС, а Іран атрымаў статус наглядальніка пры саюзе, таму мы павінны працаваць разам", - сказаў ён.
Раман Галоўчанка наведвае з рабочым візітам Алматы (Казахстан) 30-31 студзеня для ўдзелу ў пасяджэнні Еўразійскага міжурадавага савета.-0-
Як адзначана на сустрэчы, сумеснымі намаганнямі Беларусь і Іран прадоўжаць мэтанакіраваную работу па нарошчванні ўзаемадзеяння на карысць дзвюх краін.
"Кантакты Беларусі і Ірана інтэнсіўна развіваюцца на ўсіх узроўнях - ад кіраўнікоў дзяржаў да міністэрстваў, ведамстваў і бізнесу, - сказаў Раман Галоўчанка. - Я быў з афіцыйным візітам у Тэгеране ў канцы 2022 года. Потым мы прымалі ў Мінску вашага калегу Махамада Махбера. Зусім нядаўна адбылося пасяджэнне міжурадавай камісіі. Я сустрэўся з міністрам прамысловасці, шахтаў і гандлю Ірана, мы правялі змястоўную размову адносна падрыхтоўкі візіту Прэзідэнта Ірана ў Беларусь і згадзіліся, што трэба вельмі добра падрыхтаваць гэты візіт і насыціць яго эканамічным парадкам дня".
Паводле яго слоў, цяпер на парадку дня некалькі вельмі важных сумесных праектаў для рэалізацыі ў сферы прамысловай кааперацыі. "Доўгі час абмяркоўваюцца падыходы да іх. Лічым, што надышоў час перайсці да іх практычнай рэалізацыі. Размова ідзе аб вытворчасці ў Іране трактарнай тэхнікі, камбайнаў, пасажырскай тэхнікі (аўтобусаў, электробусаў). Улічваючы тую ўвагу, якую кіраўніцтва Ірана ўдзяляе зялёнай энергетыцы, экалагічнай праблемам, мы прапануем выкарыстоўваць наш вопыт у сферы электратранспарту", - адзначыў прэм'ер-міністр, а таксама звярнуў увагу, што Беларусь - адзін з асноўных пастаўшчыкоў цяжкіх самазвалаў для горназдабыўной галіны Ірана.
Першы віцэ-прэзідэнт Ірана ў сваю чаргу адзначыў добры ўзровень палітычных адносін паміж краінамі. "А ў эканамічным плане нам трэба прыкладаць больш намаганняў. Безумоўна, абмен візітамі дапамагае ў дасягненні гэтых мэт. Неабходна, каб дасягнутыя дамоўленасці рэалізоўваліся на практыцы. У гэтым годзе Беларусь старшынствуе ў ЕАЭС, а Іран атрымаў статус наглядальніка пры саюзе, таму мы павінны працаваць разам", - сказаў ён.
Раман Галоўчанка наведвае з рабочым візітам Алматы (Казахстан) 30-31 студзеня для ўдзелу ў пасяджэнні Еўразійскага міжурадавага савета.-0-
Фота Віталя Піваварчыка
Падпісвайцеся на нас у
