ДЗЯРЖОРГАНЫДЗЯРЖОРГАНЫ
Флаг Аўторак, 29 лістапада 2022
Мінск -1°C
Усе навіны
Усе навіны
Эканоміка
23 лістапада 2022, 16:55

Галоўчанка аб супрацоўніцтве з Сірыяй: настаў час гаварыць аб больш сур'ёзных сумесных праектах

23 лістапада, Мінск /Кар. БЕЛТА/. Настаў час гаварыць аб больш сур'ёзных сумесных праектах з Сірыяй. Аб гэтым расказаў прэм'ер-міністр Беларусі Раман Галоўчанка ў час сустрэчы з прэм'ер-міністрам Сірыі Хусейнам Арнусом у фармаце "сам-насам", паведамляе карэспандэнт БЕЛТА.

У пачатку сустрэчы Раман Галоўчанка адзначыў, што беларускі народ уважліва назірае і суперажывае сірыйцам у барацьбе за незалежнасць і свабоду. "У тым ліку гэтым візітам мы дэманструем палітычную падтрымку сірыйскаму боку. На працягу апошніх няпростых для Сірыі гадоў мы былі побач, не перарывалі эканамічных сувязей, аказвалі гуманітарную дапамогу і з вялікім задавальненнем прымалі на аздараўленне сірыйскіх дзяцей. Сёння настаў час гаварыць аб больш сур'ёзных сумесных праектах", - сказаў прэм'ер-міністр Беларусі.

Гандлёва-эканамічнае супрацоўніцтва Беларусі і Сірыі развіваецца на фоне няпростых умоў эканамічных санкцый у адносінах да Сірыі, разбурэння транспартнай і сацыяльнай інфраструктуры, вострага дэфіцыту фінансавых сродкаў у сірыйскага ўрада і зніжэння пакупной здольнасці насельніцтва краіны. У 2021 годзе тавараабарот Беларусі і Сірыі склаў $8,2 млн (рост на 41,3 працэнта да 2020 года), экспарт - $7,6 млн (рост на 47,9 працэнта), імпарт - $0,6 млн (рост на 6,1 працэнта). Сальда дадатнае - $7,0 млн. У асноўным Беларусь экспартуе ў Сірыю спецыфічныя тавары, сухое малако, малочную сыроватку, лекавыя сродкі, трактары і седлавыя цягачы, а імпартуе аліўкавы алей, фрукты і агародніну, арэхі, каву. Таксама цяпер дзейнічае сумесная беларуска-сірыйская камісія па гандлёвым, эканамічным і тэхнічным супрацоўніцтве, пасяджэнне якой апошні раз праходзіла ў студзені гэтага года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі