15 мая, Мінск /Кар. БЕЛТА/. Работа эканомікі ва ўмовах санкцый перабудавана, усё неабходнае зроблена. Аб гэтым заявіў прэм'ер-міністр Раман Галоўчанка ў інтэрв'ю тэлеканалу СТБ, паведамляе БЕЛТА.
"Прэзідэнт жа сказаў: забудзьце пра санкцыі. Яны існуюць, але гэта цяпер ужо не тлумачэнне нейкім цяжкасцям. Усё, што неабходна было, мы зрабілі. Усё, што можна, мы перабудавалі. Лагістыку перабудавалі, разлікі, патокі. Як і абяцалі, з красавіка мы ўжо фактычна выйшлі на той узровень, які ў нас быў у тым годзе. І будзем прыбаўляць далей ад месяца да месяца", - сказаў Раман Галоўчанка.
"Мы ўжо не адчуваем на сабе ніякага шоку. Шмат было раней незразумелых рэчаў, як тыя ці іншыя пытанні адбудоўваць па-новаму, але цяпер, лічу, гэту старонку мы ўжо закрылі", - падкрэсліў прэм'ер-міністр.-0-
