11 мая, Мінск /Кар. БЕЛТА/. У красавіку фізасобы ў Беларусі прадаўжалі заставацца чыстымі прадаўцамі замежнай валюты. Па выніках месяца яны прадалі на $116,5 млн больш, чым купілі. Аб гэтым сведчаць статыстычныя даныя Нацыянальнага банка, паведамляе БЕЛТА.
Агульны аб'ём набытай фізічнымі асобамі наяўнай і безнаяўнай замежнай валюты ў красавіку склаў $616,2 млн, прададзенай - $732,8 млн. У цэлым за студзень - красавік бягучага года продаж фізічнымі асобамі наяўнай і безнаяўнай замежнай валюты перасягнуў яе куплю на $429,3 млн.
Суб'екты гаспадарання - рэзідэнты Беларусі ў красавіку таксама выступалі ў ролі чыстых прадаўцоў замежнай валюты. Зыходзячы з даных Нацыянальнага банка, прадпрыемствы прадалі на $154,2 млн валюты ў эквіваленце больш, чым купілі. Агульны аб'ём набытай юрыдычнымі асобамі замежнай валюты ў красавіку склаў $2,013 млрд, прададзенай - $2,167 млрд.
За студзень-красавік купля юрыдычнымі асобамі замежнай валюты перасягнула яе продаж на $327,3 млн.-0-
