Фота eec.eaeunion.org
6 чэрвеня, Масква /Эдуард Півавар - БЕЛТА/. Канцэпцыя фарміравання агульнага біржавога рынку Еўразійскага эканамічнага саюза знаходзіцца на фінальнай стадыі. Аб гэтым заявіў член Калегіі (міністр) па канкурэнцыі і антыманапольным рэгуляванні Еўразійскай эканамічнай камісіі Максім Ермаловіч на Пецярбургскім міжнародным эканамічным форуме, паведамляе карэспандэнт БЕЛТА.
"Сёння камісія знаходзіцца на фінальным этапе падрыхтоўкі канцэпцыі фарміравання агульнага біржавога рынку ЕАЭС. У рамках гэтай канцэпцыі вырашаецца задача этапнасці фарміравання гэтай біржавой прасторы. Да канцэпцыі будзе распрацавана адпаведная праграма, дзе будуць прадстаўлены дэталёвыя мерапрыемствы з адказнымі выканаўцамі", - сказаў Максім Ермаловіч.
Ён удакладніў, што на першым этапе стварэння агульнай біржавой прасторы плануецца наладзіць эфектыўны абмен інфармацыяй паміж усімі ўдзельнікамі біржавога гандлю.
На думку міністра ЕЭК, адзіная біржавая палітыка ў ЕАЭС магла б вырашыць многія праблемныя пытанні ў гандлі. "Спадзяюся, што, сфарміраваўшы празрысты, зразумелы механізм разліку біржавых індэксаў, мы створым правільныя сігналы для рынку. Увёўшы ў абарот на біржы нафтапрадукты, асноўныя харчовыя тавары, мы фактычна створым агульны рынак важных тавараў у ЕАЭС, што так складана вырашаецца на гэтым этапе. Гэта паралельны рух наперад, які можа нават абагнаць нашы традыцыйныя перагаворныя трэкі па нафце і нафтапрадуктах, магчыма, у перспектыве па газу, па харчовых таварах. Тады сама інфраструктура вырашыць тую праблему, якая так складана вырашаецца ў нашых перагаворах у рамках Еўразійскага эканамічнага саюза", - адзначыў Максім Ермаловіч.-0-
"Сёння камісія знаходзіцца на фінальным этапе падрыхтоўкі канцэпцыі фарміравання агульнага біржавога рынку ЕАЭС. У рамках гэтай канцэпцыі вырашаецца задача этапнасці фарміравання гэтай біржавой прасторы. Да канцэпцыі будзе распрацавана адпаведная праграма, дзе будуць прадстаўлены дэталёвыя мерапрыемствы з адказнымі выканаўцамі", - сказаў Максім Ермаловіч.
Ён удакладніў, што на першым этапе стварэння агульнай біржавой прасторы плануецца наладзіць эфектыўны абмен інфармацыяй паміж усімі ўдзельнікамі біржавога гандлю.
На думку міністра ЕЭК, адзіная біржавая палітыка ў ЕАЭС магла б вырашыць многія праблемныя пытанні ў гандлі. "Спадзяюся, што, сфарміраваўшы празрысты, зразумелы механізм разліку біржавых індэксаў, мы створым правільныя сігналы для рынку. Увёўшы ў абарот на біржы нафтапрадукты, асноўныя харчовыя тавары, мы фактычна створым агульны рынак важных тавараў у ЕАЭС, што так складана вырашаецца на гэтым этапе. Гэта паралельны рух наперад, які можа нават абагнаць нашы традыцыйныя перагаворныя трэкі па нафце і нафтапрадуктах, магчыма, у перспектыве па газу, па харчовых таварах. Тады сама інфраструктура вырашыць тую праблему, якая так складана вырашаецца ў нашых перагаворах у рамках Еўразійскага эканамічнага саюза", - адзначыў Максім Ермаловіч.-0-
Падпісвайцеся на нас у
