2 верасня, Мінск /Кар. БЕЛТА/. Эксперты агучылі выгады Літвы ад транзіту тавараў праз Беларусь, паведамляе БЕЛТА.
Апошнім часам у СМІ маюць месца заявы ад літоўскага боку аб значных негатыўных наступствах для Беларусі ў выпадку закрыцця граніц для міжнародных перавозак грузаў. Але згодна са статыстыкай замежнага гандлю з краінамі Балтыі, толькі 50 працэнтаў грузаў з тэрыторыі Літвы накіроўваецца ў Беларусь, а другая палавіна - транзітам у Расію і іншыя краіны.
Пры гэтым, паводле даных беларускай мытні, усяго толькі каля 4 працэнтаў тавараў, што ідуць у адрас беларускіх суб'ектаў гаспадарання, маюць літоўскае паходжанне. Усе астатнія тавары, якія ўвозяцца з Літвы, выраблены ў іншых краінах, у першую чаргу Еўрапейскага саюза. Атрымліваецца, Літва з'яўляецца толькі своеасаблівай перавалачнай базай для замежных тавараў, што імпартуюцца ў Беларусь, атрымліваючы істотны прыбытак ад партовай і складской лагістыкі, у тым ліку за кошт рабочых месцаў, якія абслугоўваюць гэтыя патокі.
У святле апошніх недружалюбных заяў з літоўскага боку бізнес прадумвае ўжо змяненне маршрутаў пры імпарце тавараў нелітоўскага паходжання. Пры гэтым патокі тавараў, увезеных з Літвы, вялікія. Толькі за сем месяцаў бягучага года перамешчана 2,3 млн т тавараў, а гэта 153 тыс. грузавых транспартных сродкаў і амаль 80 тыс. чыгуначных вагонаў.-0-
