ДЗЯРЖОРГАНЫДЗЯРЖОРГАНЫ
Флаг Аўторак, 21 сакавіка 2023
Мінск +6°C
Усе навіны
Усе навіны
Эканоміка
26 студзеня 2023, 12:03

Экспазіцыя Беларусі будзе прадстаўлена на форуме па будаўніцтве і энергетыцы ў Бішкеку

Фота ncmps.by
Фота ncmps.by

26 студзеня, Мінск /Кар. БЕЛТА/. Нацыянальны цэнтр маркетынгу арганізуе беларускую экспазіцыю на адным з буйнейшых спецыялізаваных форумаў у Цэнтральна-Азіяцкім рэгіёне. Міжнародны кангрэсна-выставачны форум "Будаўніцтва, энергетыка, спецтэхніка і бяспека" пройдзе 18-20 красавіка ў Бішкеку (Кыргызстан), паведамілі БЕЛТА ў НЦМ.

Форум праводзіцца штогод з 2003 года і паспеў ужо зарэкамендаваць сябе ў якасці эфектыўнай платформы для распаўсюджвання тавараў і паслуг, устанаўлення новых кантактаў, а таксама заключэння дагавораў і здзелак.

У рамках форуму на адной пляцоўцы адбудуцца выстаўкі: KyrgyzBuild (будаўніцтва і інтэр'ер), EnergyExpo Kyrgyzstan (энергетыка і асвятленне), KyrgyzComex (дарожнае будаўніцтва, спецтэхніка, камплектуючыя), SafetyExpo Kyrgyzstan (сродкі бяспекі, ахова і проціпажарная абарона).

У 2023 годзе ўдзел пацвердзілі кампаніі з Кыргызстана, Казахстана, Расіі, Аўстрыі, Германіі, Польшчы, Ірана, Турцыі, Рэспублікі Карэя і іншых краін.

Нацыянальны цэнтр маркетынгу запрашае айчынныя прадпрыемствы прыняць удзел у экспазіцыі ў рамках выставы, а таксама прапануе распрацоўку індывідуальнага дызайн-праекта стэнда, рэкламна-інфармацыйную падтрымку, мэтавую рассылку запрашэнняў дзелавым колам для наведвання беларускага стэнда, браніраванне гасцініц і авіябілетаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі