Фота з архіва
10 лютага, Мінск /Кар. БЕЛТА/. У 2024 годзе буйнейшы беларускі вытворца тэкстыльнай прадукцыі з поўным цыклам вытворчасці "Камволь" нарасціў экспарт ва Узбекістан у 10 разоў, у тым ліку за кошт паставак на ўзбекскі рынак новых відаў прадукцыі. З поспехамі прадпрыемства на знешнім контуры карэспандэнта БЕЛТА азнаёміла начальнік упраўлення забеспячэння, збыту і маркетынгу Наталля Пяткова.
"Мы пастаянна асвойваем новыя віды прадукцыі, для чаго праводзім штогадовую ацэнку патрэбнасцей рынку праз маркетынгавыя даследаванні. Аналізуюцца ключавыя вытворцы і пастаўшчыкі тканін, патэнцыяльныя спажыўцы. Так вызначаецца мэтавая аўдыторыя для камвольных тканін", - тлумачыць спецыяліст.
Адзін з напрамкаў работы па прыцягненні новых контрагентаў - прадаўжэнне пераарыентацыі таварных патокаў з Еўропы на рынкі Расіі, Казахстана, Узбекістана, Азербайджана, Арменіі, Кыргызстана і Таджыкістана. Яны для "Камволя" сёння асноўныя.
"На гэты момант мы маем унікальную магчымасць заняць нішы, якія вызваліліся пасля адыходу еўрапейскіх кампаній, і тым самым павялічыць свой прыбытак. Дадатная дынаміка па адгрузцы тканін на экспарт - ужо рэальнасць. У параўнанні з 2023 годам у 2024-м замежныя пастаўкі выраслі на 11,8 працэнта, - абазначыла Наталля Пяткова. - Адзін з паказальных прыкладаў для нас - Узбекістан. Экспарт туды ў мінулым годзе павялічыўся ў дзесяць разоў".
"Камволь" прапрацоўвае і новыя рынкі збыту, ствараючы цяпер пробныя ўзоры тканін для Ізраіля, Турцыі і Індыі.
Разам з тым актыўна рэалізуе сваю прадукцыю сталічнае прадпрыемства і праз гандаль на анлайн-пляцоўках. ААТ "Камволь" зарэгістравана на партале еxport.by, на Беларускай універсальнай таварнай біржы, у сістэме "Госзакупки.by", на электроннай гандлёвай пляцоўцы B2B-Center, на электроннай гандлёвай пляцоўцы Газпрамбанка ў секцыі "Імпартазамяшчэнне", на пляцоўцы расійскага Саюза прадпрымальнікаў тэкстыльнай і лёгкай прамысловасці "Легпрам Клаўд", у лічбавым даведніку кампаній моднай індустрыі ICOL GROUP, на пляцоўцы праекта B2BY.org. На гэтых рэсурсах размешчаны фатаграфіі тканін, апісанне тавару і ўмовы пастаўкі.
"Для папулярызацыі сваёй прадукцыі і брэнда мы выкарыстоўваем рэсурсы сацыяльных сетак: створаны акаўнты ў Instagram і Telegram, на Facebook, канал у YouTube, старонкі "УКантакце" і LinkedIn, - пералічыла начальнік упраўлення забеспячэння, збыту і маркетынгу. - Больш таго, мы штотыднёва абнаўляем інфармацыю аб праводзімых акцыях і аб зніжэнні цаны на канкрэтныя артыкулы тканін, а таксама аб астатках тканін у розных магазінах і на складах, прапануем падпісчыкам невялікія адрэзкі тканін, якія засталіся".
ААТ "Камволь" - буйнейшы вытворца тэкстыльнай прадукцыі з поўным цыклам вытворчасці: ад вырабу пражы да выпуску тканіны і пастаўкі прадукцыі ў краіны Еўропы і СНД. Сёння прадпрыемства вырабляе шырокі асартымент сучасных плаццева-касцюмных тканін і тканін для штаноў чысташарсцяных, шарсцяных, паўшарсцяных з поліэфірным валакном, віскозай, эластанам або лёнам у розных спалучэннях.-0-
"Мы пастаянна асвойваем новыя віды прадукцыі, для чаго праводзім штогадовую ацэнку патрэбнасцей рынку праз маркетынгавыя даследаванні. Аналізуюцца ключавыя вытворцы і пастаўшчыкі тканін, патэнцыяльныя спажыўцы. Так вызначаецца мэтавая аўдыторыя для камвольных тканін", - тлумачыць спецыяліст.
Адзін з напрамкаў работы па прыцягненні новых контрагентаў - прадаўжэнне пераарыентацыі таварных патокаў з Еўропы на рынкі Расіі, Казахстана, Узбекістана, Азербайджана, Арменіі, Кыргызстана і Таджыкістана. Яны для "Камволя" сёння асноўныя.
"На гэты момант мы маем унікальную магчымасць заняць нішы, якія вызваліліся пасля адыходу еўрапейскіх кампаній, і тым самым павялічыць свой прыбытак. Дадатная дынаміка па адгрузцы тканін на экспарт - ужо рэальнасць. У параўнанні з 2023 годам у 2024-м замежныя пастаўкі выраслі на 11,8 працэнта, - абазначыла Наталля Пяткова. - Адзін з паказальных прыкладаў для нас - Узбекістан. Экспарт туды ў мінулым годзе павялічыўся ў дзесяць разоў".
"Камволь" прапрацоўвае і новыя рынкі збыту, ствараючы цяпер пробныя ўзоры тканін для Ізраіля, Турцыі і Індыі.
Разам з тым актыўна рэалізуе сваю прадукцыю сталічнае прадпрыемства і праз гандаль на анлайн-пляцоўках. ААТ "Камволь" зарэгістравана на партале еxport.by, на Беларускай універсальнай таварнай біржы, у сістэме "Госзакупки.by", на электроннай гандлёвай пляцоўцы B2B-Center, на электроннай гандлёвай пляцоўцы Газпрамбанка ў секцыі "Імпартазамяшчэнне", на пляцоўцы расійскага Саюза прадпрымальнікаў тэкстыльнай і лёгкай прамысловасці "Легпрам Клаўд", у лічбавым даведніку кампаній моднай індустрыі ICOL GROUP, на пляцоўцы праекта B2BY.org. На гэтых рэсурсах размешчаны фатаграфіі тканін, апісанне тавару і ўмовы пастаўкі.
"Для папулярызацыі сваёй прадукцыі і брэнда мы выкарыстоўваем рэсурсы сацыяльных сетак: створаны акаўнты ў Instagram і Telegram, на Facebook, канал у YouTube, старонкі "УКантакце" і LinkedIn, - пералічыла начальнік упраўлення забеспячэння, збыту і маркетынгу. - Больш таго, мы штотыднёва абнаўляем інфармацыю аб праводзімых акцыях і аб зніжэнні цаны на канкрэтныя артыкулы тканін, а таксама аб астатках тканін у розных магазінах і на складах, прапануем падпісчыкам невялікія адрэзкі тканін, якія засталіся".
ААТ "Камволь" - буйнейшы вытворца тэкстыльнай прадукцыі з поўным цыклам вытворчасці: ад вырабу пражы да выпуску тканіны і пастаўкі прадукцыі ў краіны Еўропы і СНД. Сёння прадпрыемства вырабляе шырокі асартымент сучасных плаццева-касцюмных тканін і тканін для штаноў чысташарсцяных, шарсцяных, паўшарсцяных з поліэфірным валакном, віскозай, эластанам або лёнам у розных спалучэннях.-0-
Падпісвайцеся на нас у
