Фота з архіва
8 красавіка, Мінск /Кар. БЕЛТА/. Экспарт піламатэрыялаў праз Беларускую ўніверсальную таварную біржу вырас у восем разоў у натуральным выражэнні, паведамілі БЕЛТА ў прэс-службе БУТБ.
У студзені-сакавіку 2024 года на экспартных таргах Беларускай універсальнай таварнай біржы было рэалізавана 748 тыс. куб.м піламатэрыялаў на суму $122 млн. Такім чынам, у параўнанні з першым кварталам 2023 года экспартныя продажы выраслі ў восем разоў у натуральным выражэнні і ў сем разоў - у вартасным. Прадукцыю беларускай дрэваапрацоўчай галіны ў бягучым годзе куплялі рэзідэнты 15 краін, а буйнейшымі рынкамі збыту былі Кітай, Азербайджан, Узбекістан і Расія. Доля біржавых адрасных здзелак у агульным аб'ёме біржавой рэалізацыі піламатэрыялаў за мяжу дасягнула 49 працэнтаў.
"На фоне спрыяльнай кан'юнктуры ў ключавых краінах-імпарцёрах і ў першую чаргу ў Кітаі ў гэтым годзе штомесяц на знешнія рынкі рэалізуецца каля 250 тыс. куб.м пілапрадукцыі. Гэта значна больш, чым у 2023 годзе. Акрамя таго, на працягу ўсяго першага квартала павелічэнне аб'ёмаў біржавога экспарту суправаджалася дадатным цэнавым трэндам. Напрыклад, у параўнанні з папярэднім кварталам самыя запатрабаваныя ў замежных пакупнікоў абразныя піламатэрыялы хвойных парод падаражэлі ў сярэднім на 10 працэнтаў і цяпер гандлююцца ў дыяпазоне $150-160 за куб.м. Зрэшты, у бліжэйшай перспектыве магчыма карэкціроўка цэн у сувязі са змяненнем сітуацыі на кітайскім рынку", - адзначылі ў прэс-службе.
Росту паказчыкаў экспарту прадукцыі лесапрамысловага комплексу пасадзейнічала ўвядзенне на БУТБ спрошчанага парадку акрэдытацыі кампаній-нерэзідэнтаў, якія плануюць заключаць біржавыя адрасныя здзелкі па куплі піламатэрыялаў. У прыватнасці, тэрміны разгляду заявак на акрэдытацыю скараціліся з трох рабочых дзён да аднаго, а замест замежнага пакупніка прадаставіць неабходны пакет дакументаў на біржу мае права беларускі прадавец.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
У студзені-сакавіку 2024 года на экспартных таргах Беларускай універсальнай таварнай біржы было рэалізавана 748 тыс. куб.м піламатэрыялаў на суму $122 млн. Такім чынам, у параўнанні з першым кварталам 2023 года экспартныя продажы выраслі ў восем разоў у натуральным выражэнні і ў сем разоў - у вартасным. Прадукцыю беларускай дрэваапрацоўчай галіны ў бягучым годзе куплялі рэзідэнты 15 краін, а буйнейшымі рынкамі збыту былі Кітай, Азербайджан, Узбекістан і Расія. Доля біржавых адрасных здзелак у агульным аб'ёме біржавой рэалізацыі піламатэрыялаў за мяжу дасягнула 49 працэнтаў.
"На фоне спрыяльнай кан'юнктуры ў ключавых краінах-імпарцёрах і ў першую чаргу ў Кітаі ў гэтым годзе штомесяц на знешнія рынкі рэалізуецца каля 250 тыс. куб.м пілапрадукцыі. Гэта значна больш, чым у 2023 годзе. Акрамя таго, на працягу ўсяго першага квартала павелічэнне аб'ёмаў біржавога экспарту суправаджалася дадатным цэнавым трэндам. Напрыклад, у параўнанні з папярэднім кварталам самыя запатрабаваныя ў замежных пакупнікоў абразныя піламатэрыялы хвойных парод падаражэлі ў сярэднім на 10 працэнтаў і цяпер гандлююцца ў дыяпазоне $150-160 за куб.м. Зрэшты, у бліжэйшай перспектыве магчыма карэкціроўка цэн у сувязі са змяненнем сітуацыі на кітайскім рынку", - адзначылі ў прэс-службе.
Росту паказчыкаў экспарту прадукцыі лесапрамысловага комплексу пасадзейнічала ўвядзенне на БУТБ спрошчанага парадку акрэдытацыі кампаній-нерэзідэнтаў, якія плануюць заключаць біржавыя адрасныя здзелкі па куплі піламатэрыялаў. У прыватнасці, тэрміны разгляду заявак на акрэдытацыю скараціліся з трох рабочых дзён да аднаго, а замест замежнага пакупніка прадаставіць неабходны пакет дакументаў на біржу мае права беларускі прадавец.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
