Фота з архіва
22 студзеня, Мінск /Кар. БЕЛТА/. За апошнія чатыры гады абарот прадуктаў харчавання і сельскагаспадарчай сыравіны паміж Беларуссю і Сербіяй вырас у тры разы, у тым ліку экспарт айчынных харчовых тавараў у Сербію за 11 месяцаў 2024 года павялічыўся на 63,3 працэнта, паведамілі БЕЛТА ў Мінсельгасхарчы.
Сербія з'яўляецца ключавым партнёрам Беларусі на Балканах, з ёй у нас дагавор аб свабодным гандлі і бязвізавы рэжым. Узаемны абарот прадуктаў харчавання і сельгассыравіны дзвюх рэспублік, як і аб'ёмы пастаўкі беларускіх прадуктаў харчавання ў Сербію, упэўнена расце. У ліку асноўных экспартных пазіцый - малочная прадукцыя (сыры, сухое малако, масла), дрожджы, свежая бульба.
Напярэдадні адбылася рабочая сустрэча намесніка міністра сельскай гаспадаркі і харчавання Вадзіма Шагойкі з міністрам урада Рэспублікі Сербія, сустаршынёй Беларуска-сербскай міжурадавай камісіі па гандлёва-эканамічным супрацоўніцтве Ненадам Попавічам.
"Сербія з'яўляецца для нас важным гандлёва-эканамічным партнёрам, і мы высока цэнім дружалюбныя адносіны, якія склаліся паміж дзяржавамі, у тым ліку па пытаннях двухбаковага супрацоўніцтва ў галіне сельскай гаспадаркі і паставак прадуктаў харчавання, - звярнуўся да сербскай дэлегацыі намеснік міністра Вадзім Шагойка. - Упэўнены, што рэгулярныя пасяджэнні галіновых рабочых груп дадуць магчымасць не толькі абмеркаваць вынікі праведзенай работы, але і пасадзейнічаюць пашырэнню дыяпазону двухбаковых адносін".
У мэтах актывізацыі гандлёва-эканамічных сувязей і абмеркавання актуальных пытанняў двухбаковага ўзаемадзеяння беларускі бок прапанаваў разгледзець магчымасць правядзення ў бліжэйшы час чарговага, шостага па ліку, пасяджэння беларуска-сербскай рабочай групы па супрацоўніцтве. Як было падкрэслена, Беларусь зацікаўлена ў павелічэнні ўзаемнага тавараабароту, развіцці адносін у сферы раслінаводства і выставачна-кірмашовай дзейнасці, нарошчванні аб'ёмаў паставак малочнай прадукцыі.
Ненад Попавіч у сваю чаргу адзначыў важнасць паглыблення інтэграцыі і павелічэння тавараабароту паміж краінамі, выказаў удзячнасць за братэрскую падтрымку і садзейнічанне на ўзроўні кіраўніка дзяржавы Аляксандра Лукашэнкі.
"Наш сённяшні патэнцыял вялікі. Спадзяёмся, што супрацоўніцтва ў аграпрамысловай сферы і пастаўках прадуктаў харчавання атрымае большы імпульс, а мы будзем імкнуцца да інтэнсіфікацыі, далейшага развіцця і ўдасканалення адносін. Пры існуючых спрыяльных перадумовах патрэбны сістэматычны падыход у сумеснай рабоце", - рэзюмаваў міністр сербскага ўрада.
Сёння, 22 студзеня, пройдзе сустрэча кіраўніка Міністэрства антыманапольнага рэгулявання і гандлю Артура Карповіча, які ўзначальвае беларускую частку міжурадавай камісіі па гандлёва-эканамічным супрацоўніцтве, з Ненадам Попавічам. У планах якраз абмеркаванне спосабаў нарошчвання ўзаемадзеяння бакоў у сферы гандлю і эканомікі ў цэлым.-0-
Сербія з'яўляецца ключавым партнёрам Беларусі на Балканах, з ёй у нас дагавор аб свабодным гандлі і бязвізавы рэжым. Узаемны абарот прадуктаў харчавання і сельгассыравіны дзвюх рэспублік, як і аб'ёмы пастаўкі беларускіх прадуктаў харчавання ў Сербію, упэўнена расце. У ліку асноўных экспартных пазіцый - малочная прадукцыя (сыры, сухое малако, масла), дрожджы, свежая бульба.
Напярэдадні адбылася рабочая сустрэча намесніка міністра сельскай гаспадаркі і харчавання Вадзіма Шагойкі з міністрам урада Рэспублікі Сербія, сустаршынёй Беларуска-сербскай міжурадавай камісіі па гандлёва-эканамічным супрацоўніцтве Ненадам Попавічам.
"Сербія з'яўляецца для нас важным гандлёва-эканамічным партнёрам, і мы высока цэнім дружалюбныя адносіны, якія склаліся паміж дзяржавамі, у тым ліку па пытаннях двухбаковага супрацоўніцтва ў галіне сельскай гаспадаркі і паставак прадуктаў харчавання, - звярнуўся да сербскай дэлегацыі намеснік міністра Вадзім Шагойка. - Упэўнены, што рэгулярныя пасяджэнні галіновых рабочых груп дадуць магчымасць не толькі абмеркаваць вынікі праведзенай работы, але і пасадзейнічаюць пашырэнню дыяпазону двухбаковых адносін".
У мэтах актывізацыі гандлёва-эканамічных сувязей і абмеркавання актуальных пытанняў двухбаковага ўзаемадзеяння беларускі бок прапанаваў разгледзець магчымасць правядзення ў бліжэйшы час чарговага, шостага па ліку, пасяджэння беларуска-сербскай рабочай групы па супрацоўніцтве. Як было падкрэслена, Беларусь зацікаўлена ў павелічэнні ўзаемнага тавараабароту, развіцці адносін у сферы раслінаводства і выставачна-кірмашовай дзейнасці, нарошчванні аб'ёмаў паставак малочнай прадукцыі.
Ненад Попавіч у сваю чаргу адзначыў важнасць паглыблення інтэграцыі і павелічэння тавараабароту паміж краінамі, выказаў удзячнасць за братэрскую падтрымку і садзейнічанне на ўзроўні кіраўніка дзяржавы Аляксандра Лукашэнкі.
"Наш сённяшні патэнцыял вялікі. Спадзяёмся, што супрацоўніцтва ў аграпрамысловай сферы і пастаўках прадуктаў харчавання атрымае большы імпульс, а мы будзем імкнуцца да інтэнсіфікацыі, далейшага развіцця і ўдасканалення адносін. Пры існуючых спрыяльных перадумовах патрэбны сістэматычны падыход у сумеснай рабоце", - рэзюмаваў міністр сербскага ўрада.
Сёння, 22 студзеня, пройдзе сустрэча кіраўніка Міністэрства антыманапольнага рэгулявання і гандлю Артура Карповіча, які ўзначальвае беларускую частку міжурадавай камісіі па гандлёва-эканамічным супрацоўніцтве, з Ненадам Попавічам. У планах якраз абмеркаванне спосабаў нарошчвання ўзаемадзеяння бакоў у сферы гандлю і эканомікі ў цэлым.-0-
Падпісвайцеся на нас у
