25 кастрычніка, Мінск /Кар. БЕЛТА/. Экспарт беларускіх будматэрыялаў у студзені-жніўні вырас амаль на чвэрць у параўнанні з аналагічным перыядам 2020 года. Аб гэтым расказаў міністр архітэктуры і будаўніцтва Руслан Пархамовіч у інтэрв'ю праграме "Галоўны эфір" на тэлеканале "Беларусь 1", паведамляе БЕЛТА.
"Ідзём з апярэджаннем графіка. Тэмп росту экспарту будаўнічых матэрыялаў па выніках работы за 8 месяцаў склаў 124 працэнты да ўзроўню мінулага года. Усе гэтыя матэрыялы рэалізуюцца не толькі ў Расію, але і ў краіны далёкай дугі", - сказаў Руслан Пархамовіч.
Ён заявіў, што збояў па пастаўках на ўнутраны рынак не назіраецца. "Былі некаторыя інсінуацыі ў СМІ наконт дэфіцыту цэменту, але гэта не зусім справядліва. Мы дасканала маніторым сітуацыю па будматэрыялах. На 208 запраўках 16 тыс. т цэменту было прададзена з пачатку года. І сёння няма ніводнай запраўкі, ніводнага прадпрыемства рознічнага гандлю, якое было б без цэменту", - падкрэсліў міністр.
Ён таксама закрануў тэму экспарту паслуг. "Мы прадаўжаем актыўна будаваць у Расіі - у Ленінградскай вобласці, у Варонежы, у Цвярской вобласці, у Ліпецку. Будуем аб'екты сацыяльнага прызначэння, дамы, прамысловыя аб'екты. Стараемся перайсці на прамысловае будаўніцтва, таму што яно больш маржынальнае, больш высокая дабаўленая вартасць. У Ленінградскай вобласці ў партах будуць будоўлі, для нас гэта зона павышанага інтарэсу, мы плануем сябе забяспечыць работай там", - адзначыў Руслан Пархамовіч.-0-
