ДЗЯРЖОРГАНЫДЗЯРЖОРГАНЫ
Серада, 3 чэрвеня 2020
Мінск Воблачна з праясненнямі +13°C
Усе навіны
Усе навіны
Эканоміка
08 красавіка 2020, 12:22

Экспарт беларускай сельгаспрадукцыі ў студзені-лютым павялічыўся на 9,7 працэнта

Фота з архіва
Фота з архіва

8 красавіка, Мінск /Кар. БЕЛТА/. Экспарт беларускай сельгаспрадукцыі і прадуктаў харчавання ў студзені-лютым павялічыўся на 9,7 працэнта. Аб гэтым паведаміў сёння журналістам начальнік галоўнага ўпраўлення знешнеэканамічнай дзейнасці Міністэрства сельскай гаспадаркі і харчавання Аляксей Багданаў, перадае карэспандэнт БЕЛТА.

"У цэлым за два месяцы бягучага года экспарт беларускіх прадуктаў харчавання вырас на 9,7 працэнта, пастаўлена тавараў на суму $919 млн. Прырост выручкі ў параўнанні з аналагічным перыядам мінулага года склаў $81,5 млн. Павелічэнне паставак назіралася практычна па ўсіх рэгіёнах. Экспарт у Расію павялічыўся на 5,5 працэнта, у краіны СНД без уліку РФ - на 21,8 працэнта, краіны Азіі і Акіяніі - у 1,9 раза, Амерыкі і Карыбскага басейна - на 29 працэнтаў, ЕС - на 50 працэнтаў. Кітайскі напрамак паказаў рост практычна ў два разы. У цэлым пастаўкі ў краіны далёкага замежжа павялічыліся на 34,5 працэнта", - сказаў Аляксей Багданаў.

Беларускія прадукты харчавання ў студзені-лютым пастаўляліся ў 73 краіны свету (за два месяцы 2019 года было 65 краін). Экспарт мясапрадуктаў вырас на 7,4 працэнта і склаў $154 млн, малака і малакапрадуктаў - на 14 працэнтаў ($403 млн), бульбы - на 10,4 працэнта ($9,5 млн).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі