13 лютага, Мінск /Кар. БЕЛТА/. У эфіры тэлеканала СТБ Надзвычайны і Паўнамоцны Пасол Беларусі ў Расіі Дзмітрый Крутой расказаў аб рэгіянальным супрацоўніцтве з Расійскай Федэрацыяй і супрацоўніцтве ў імпартазамяшчэнні, паведамляе БЕЛТА.
Адказваючы на пытанне аб рэгіянальным супрацоўніцтве, Дзмітрый Крутой адзначыў, што гэта самы базавы напрамак, ніякіх межаў росту тут няма. "Мінулы год у гэтым плане таксама быў рэкордны: 208 узаемных візітаў у групе высокага ўзроўню. Гэта прэзідэнцкія сустрэчы, паездкі прэм'ер-міністра, нашых замацаваных службовых асоб - ніколі такой высокай інтэнсіўнасці ў нас не было", - сказаў ён.
"Магу сказаць, што з 33 рэгіёнамі мы маем экспарт больш за $100 млн. Гэта значныя лічбы, у нас не з усімі краінамі ёсць такія паказчыкі. Многія губернатары гавораць, што адкрываюць нанава Беларусь, нават не ведалі, што ў нас столькі ўсяго ёсць цікавага. Шчыра скажу, мы таксама не ведалі, што ў многіх рэгіёнах столькі ўсяго карыснага для нас і столькі агульных інтарэсаў", - сказаў пасол Беларусі.
Дзмітрый Крутой звярнуў увагу на тое, што з дэлегацыямі з Расіі Аляксандр Лукашэнка сустракаецца асабіста. "Гэта, вядома, асаблівы фармат, ён ужо шмат гадоў практыкуецца. І, вядома, вялікі дзякуй за гэта нашаму Прэзідэнту. Гэта дае самы моцны штуршок. У нас 41 службовая асоба ў рэспубліцы замацавана за расійскімі рэгіёнамі. Мы стараемся кожны месяц сачыць за дынамікай, хто з кім і дзе сустракаецца, як выконваюцца планы. Нават пэўная рэйтынгавая сістэма выбудавана, хто лепш працуе, хто горш. Ёсць лідары, напрыклад канцэрн "Белнафтахім". Ёсць у пэўным сэнсе аўтсайдары", - адзначыў ён.
Надзвычайны і Паўнамоцны Пасол Беларусі ў Расіі таксама звярнуўся да тэмы імпартазамяшчэння. "Дзясяткі кааперацыйных праектаў у нас нараджаюцца кожны год. Малы бізнес, нашы флагманы, па пастаўках кампанентнай базы, па нейкіх прадуктах, лакалізаваных пад рэгіянальную спецыфіку. Мяне гэта толькі радуе. Цяпер імпартазамяшчэнне сінхранізавана на дзве краіны вельмі выразна. Прэзідэнты расстаўляюць акцэнты вельмі важныя. Як прыклад - мінулы год. Мікраэлектроніка - у нас ужо распрацавана праграма ўдзелу нашых прадпрыемстваў у кааперацыйных праектах, расійскіх. Прэзідэнт Расіі быў у Мінску ў снежні, і прэзідэнты дамовіліся, што аналагічнага маштабу павінен быць праект па станкабудаванні. У рамках паездак і сустрэч з губернатарамі нашага прэм'ер-міністра мы бачым, што будзе вялікі праект станкабудавання краінавы, канкрэтныя рэгіёны просяць, каб была гэта праграма ў канкрэтных галінах", - дадаў Дзмітрый Крутой.-0-
