5 кастрычніка, Масква /Эдуард Півавар - БЕЛТА/. Калегія Еўразійскай эканамічнай камісіі зацвердзіла патрабаванні да правядзення даследаванняў (выпрабаванняў) лекавых сродкаў у частцы ацэнкі і кантролю наяўнасці прымесей, паведамілі БЕЛТА ў прэс-службе ЕЭК.
"Патрабаванні ўстанаўліваюць падыходы да вывучэння бяспекі і нарміравання наяўнасці прымесей у лякарствах, у тым ліку і тых, якія ўтвараюцца ў працэсе іх захоўвання, - растлумачылі ў ЕЭК. - Гэта дае магчымасць кантраляваць якасць лякарстваў як пры іх выпуску вытворцам, так і ў працэсе продажу і прымянення прэпаратаў".
Размешчаныя ў патрабаваннях падыходы адпавядаюць міжнародным прынцыпам нарміравання прымесей. "Дакумент дасць магчымасць прадоўжыць развіццё сфарміраванай ў Еўразійскім эканамічным саюзе адзінай сістэмы патрабаванняў да якасці лякарстваў, устанавіць адзіныя прынцыпы і парадак вывучэння і абгрунтавання бяспечнага ўзроўню прымесей у прэпараце з пункту гледжання іх дапушчальнага сутачнага ўздзеяння на пацыента", - пракаменціраваў рашэнне член Калегіі (міністр) па тэхнічным рэгуляванні ЕЭК Віктар Назаранка.-0-
