22 верасня, Масква /Эдуард Півавар - БЕЛТА/. Еўразійская эканамічная камісія распрацоўвае асобную методыку, каб ацэньваць, як перашкоды ўплываюць на ўзаемны гандаль. Аб гэтым паведаміла сёння на брыфінгу афіцыйны прадстаўнік Еўразійскай эканамічнай камісіі Ія Малкіна, перадае карэспандэнт БЕЛТА.
"Калегія ЕЭК па даручэнні міжурадавага савета распрацоўвае методыку ацэнкі ўплыву перашкод на ўзаемны гандаль. Напярэдадні першыя напрацоўкі прадставіў член Калегіі (міністр) па інтэграцыі і макраэканоміцы ЕЭК Сяргей Глазьеў", - сказала Ія Малкіна.
"Методыка з'яўляецца новым дакументам у сферы ацэнкі ўплыву бар'ераў на ўзаемны гандаль, - адзначыла прадстаўнік ЕЭК. - У якасці пілотнай распрацоўкі быў прапанаваны метад аналізу дынамічных радоў паказчыкаў узаемнага гандлю таварамі, што падпадаюць пад дзеянне перашкоды. У ходзе абмеркавання было вырашана не абмяжоўвацца адным метадам і падрыхтаваць падборку розных метадаў для паўнацэннай ацэнкі ўплыву перашкод на ўзаемны гандаль".-0-
