22 студзеня, Масква /Эдуард Півавар - БЕЛТА/. Еўразійская эканамічная камісія пацвердзіла планы правесці пасяджэнне Еўразійскага міжурадавага савета 5 лютага ў вочным фармаце, паведамляе БЕЛТА.
"5 лютага ў Алматы (Казахстан) у вочным фармаце адбудзецца пасяджэнне Еўразійскага міжурадавага савета з удзелам кіраўнікоў урадаў дзяржаў - членаў Еўразійскага эканамічнага саюза, а таксама форум Almaty Digital Forum 2021", - гаворыцца ў распаўсюджаным прэс-службай ЕЭК паведамленні.
Чакаецца, што ў пленарнай сесіі форуму "Лічбавая перазагрузка: рывок у новую рэальнасць" прымуць удзел кіраўнікі ўрадаў краін Еўразійскага эканамічнага саюза і дзяржаў - наглядальнікаў пры ЕАЭС, старшыня Калегіі Еўразійскай эканамічнай камісіі Міхаіл Мясніковіч. Таксама плануецца ўдзел прадстаўнікоў ЕЭК у рабоце форуму.-0-