Сцяг Нядзеля, 19 мая 2024
Усе навіны
Усе навіны
Эканоміка
08 красавіка 2024, 15:24

ЕЭК: краіны ЕАЭС падтрымліваюць ініцыятыву Беларусі адносна продажу "страшных" цацак для дзяцей

Фота ТАСС
Фота ТАСС
8 красавіка, Масква /Эдуард Півавар - БЕЛТА/. Краіны Еўразійскага эканамічнага саюза падтрымліваюць ініцыятыву Беларусі адносна продажу "страшных" цацак, якія могуць нанесці шкоду псіхічнаму здароўю дзяцей. Аб гэтым паведаміў член Калегіі (міністр) па тэхнічным рэгуляванні Еўразійскай эканамічнай камісіі Валянцін Татарыцкі ў час відэамоста са сталіцамі дзяржаў ЕАЭС, перадае карэспандэнт БЕЛТА.

"Ініцыятыва, якую вылучае Беларусь, - гэта цацкі, якія мы бачым у магазінах: падобныя да нейкіх істот, якія неадназначна інтэрпрэтуюцца дзецьмі і могуць аказаць псіхалагічнае ўздзеянне на дзіця. Ініцыятыва Беларусі датычыцца таго, што трэба правесці навуковыя даследаванні і вызначыцца з падыходамі. Напэўна, яна будзе рэалізавана, таму што краіны ЕАЭС падтрымалі такі падыход", - сказаў Валянцін Татарыцкі.

"Будзе праводзіцца сур'ёзная работа, і гэта ініцыятыва ў далейшым будзе адлюстравана ў тэхнічным рэгламенце", - дадаў міністр ЕЭК.

Ён таксама нагадаў, што па ініцыятыве Беларусі ў ЕАЭС дакладна рэгламентавана, якія дзіцячыя цацкі адносяцца да араматызаваных, якія - да мякка-набіўных, наколькі дапушчальна паверхневае фарбаванне цацак.

"Такія змяненні ў тэхрэгламент ужо ўнесены", - адзначыў Валянцін Татарыцкі.-0- 
Падпісвайцеся на нас у
Twitter
Топ-навіны
Свежыя навіны Беларусі