Мабільная версія
ДЗЯРЖОРГАНЫ

Апошнія навіны
Усе навіны

ЕАЭС у 2020 годзе можа пачаць поўнасцю забяспечваць сябе свінінай і мясам птушкі - Субоцін

Эканоміка 09.08.2019 | 13:24
Аляксандр Субоцін. Фота ТАСС
Аляксандр Субоцін. Фота ТАСС

9 жніўня, Чалпон-Ата /Кар. БЕЛТА/. Еўразійскі эканамічны саюз у 2020 годзе можа дасягнуць поўнага самазабеспячэння свінінай і мясам птушкі. Аб гэтым заявіў сёння журналістам член Калегіі (міністр) па прамысловасці і аграпрамысловым комплексе Еўразійскай эканамічнай камісіі (ЕЭК) Аляксандр Субоцін на пасяджэнні Еўразійскага міжурадавага савета, перадае карэспандэнт БЕЛТА.

Сёння на пасяджэнні міжурадавага савета ўзгоднены сумесныя прагнозы развіцця АПК, балансы попыту і прапанавання па сельгаспрадукцыі, харчаванні і асобных відах сыравіны для лёгкай прамысловасці на 2019-2020 гады.

"За кошт уласнай вытворчасці ЕАЭС поўнасцю задавольвае ўнутраную патрэбнасць у збожжы, цукры, алеі, курыных яйках, бараніне. У прагназуемым перыядзе саюз можа дасягнуць поўнага самазабеспячэння па свініне і мясе птушкі", - адзначыў Аляксандр Субоцін.

Адначасова будзе ісці работа па іншых напрамках, дзе пакуль саюз не поўнасцю сябе забяспечвае сам: па садавіне патрэбнасць будзе закрывацца на ўзроўні 43 працэнтаў, па ялавічыне гэты паказчык складзе 90 працэнтаў, у агародніне - 95 працэнтаў, па бульбе - 96 працэнтаў, па малаку - 98 працэнтаў. "Мы адразу абазначаем рэперныя кропкі, дзе трэба ўдзяліць больш увагі, каб гэтыя напрамкі паскорана развіваліся", - дадаў ён.

Чакаецца, што прагнозы развіцця АПК і балансы вытворчасці будуць адным з механізмаў, які дапаможа прадухіляць бар'еры і здымаць іх пры перамяшчэнні прадуктаў харчавання цераз граніцы. "Мы глядзім, дзе перавытворчасць, куды яе можна перанакіраваць, дзе лепш стварыць новую вытворчасць", - растлумачыў міністр. Напрыклад, у Беларусі ёсць лішак малака, ён можа быць пераразмеркаваны на рэгіёны, дзе ёсць дэфіцыт.

Паводле яго слоў, сумесныя прагнозы развіцця АПК і балансы попыту і прапанавання стануць асновай для больш эфектыўнага планавання вытворчасці і гандлю. У тым ліку адна з мэт - адысці ад імпарту ў ЕАЭС, а таксама больш увагі ўдзяляць сумеснаму выхаду дзяржаў - членаў саюза на рынкі трэціх краін.

Аляксандр Субоцін звярнуў увагу, што ў разглядаемым дакуменце аб'ёмы гандлю паміж краінамі саюза збалансаваны на аснове прынцыпу прыярытэту ўзаемнага гандлю над знешнім. Згона з прагнозам, у 2020 годзе ў ЕАЭС вартасныя аб'ёмы вытворчасці сельгаспрадукцыі ў доларах зША павялічацца на 3,7 працэнта (да базавага ўзроўню 2017 года), узаемны гандаль - на 24 працэнты, экспарт у трэція краіны - на 19 працэнтаў, таксама нязначна павялічыцца імпарт - на 3,2 працэнта. У выніку адмоўнае сальда знешняга гандлю зменшыцца з $9 млрд да $5,9 млрд.

У 2020 годзе прагназуецца рост экспарту свініны - у 3,6 раза да 220 тыс. т, мяса птушкі - у 2,7 раза да 330 тыс. т, яек - у 1,6 раза да 1,5 млрд штук, агародніны - у 1,6 раза да 710 тыс. т, малочнай прадукцыі - на 19 працэнтаў да 640 тыс. т, алею - на 12 працэнтаў да 3,3 млн т.

Чакаецца скарачэнне імпарту малочнай прадукцыі і свініны - у 2,3 раза да 1,4 млн т і 130 тыс. т адпаведна, мяса птушкі - на 16 працэнтаў да 230 тыс. т, агародніны - на 19,5 працэнта да 2,5 млн т, цукру белага - амаль у 5 разоў да 23 тыс.т.

Балансы попыту і прапанавання ўключаюць сельгаспрадукцыю і прадукты харчавання - збожжа, мяса і мясапрадукты (ялавічыну, свініну, бараніну, мяса птушкі), малако і малакапрадукты, бульбу і прадукты яе перапрацоўкі, яйкі і прадукты з іх, агародніна-бахчавыя культуры і прадукты іх перапрацоўкі, фрукты і ягады, а таксама прадукты іх перапрацоўкі, цукар, алеі; сыравіну для лёгкай прамысловасці - ільновалакно, гарбарную сыравіну, бавоўнавае валакно, воўну.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Лясы Беларусі Лес - адно з самых значных прыродных багаццяў Беларусі. Усе лясы ў рэспубліцы з'яўляюцца выключна ўласнасцю дзяржавы.