Сцяг Нядзеля, 21 ліпеня 2024
Усе навіны
Усе навіны
Эканоміка
20 чэрвеня 2024, 15:48

ЕАБР чакае рост ВУП Беларусі на 3,4 працэнта па выніках года

Фота з архіва
Фота з архіва
20 чэрвеня, Мінск /Кар. БЕЛТА/. Еўразійскі банк развіцця (ЕАБР) чакае рост ВУП у Беларусі на 3,4 працэнта па выніках года. Такая інфармацыя прыводзіцца ў макраэканамічным прагнозе банка, паведамляе БЕЛТА.

"Для большасці краін - удзельніц ЕАБР прагноз быў павышаны дзякуючы моцным паказчыкам пачатку года і актыўнаму выкарыстанню ўнутраных крыніц росту. Стымулюючая бюджэтная палітыка і структурныя пераўтварэнні ствараюць умовы для падтрымкі інвестыцыйнай і спажывецкай актыўнасці", - гаворыцца ў аглядзе.

Аналітыкі ЕАБР чакаюць рост ВУП Беларусі на 3,4 працэнта па выніках 2024 года. На іх думку, гэта адбудзецца за кошт захавання высокага росту попыту з боку Расіі і павышэння заработных плат у Беларусі.

Акрамя таго, згодна з прагнозам ЕАБР, інфляцыя на канец года прагназуецца на ўзроўні 6 працэнтаў, а сярэднегадавы курс беларускага рубля адносна долара складзе Br3,27.

Паводле ацэнак аналітыкаў ЕАБР, сусветная эканоміка прадоўжыць расці тэмпамі каля 3 працэнтаў у 2024 годзе ў многім дзякуючы дынаміцы эканомік, якія развіваюцца. Інфляцыя ў развітых краінах зніжаецца, але тэмп зніжэння запаволіўся. Гэта звязана з няхваткай рабочай сілы, а таксама з ростам выдаткаў, выкліканых фрагментацыяй сусветнай эканомікі. Вынікам стане больш доўгі, чым раней чакалася, перыяд высокіх працэнтных ставак у ЗША і еўразоне, што негатыўна адаб'ецца на росце гэтых эканомік.-0-
Падпісвайцеся на нас у
Twitter
Топ-навіны
Свежыя навіны Беларусі