28 ліпеня, Мінск /Кар. БЕЛТА/. Дзяржкаммаёмасць змяніла парадак публікацыі паведамленняў аб правядзенні таргоў адносна дзяржаўнага жыллёвага фонду і нерухомай маёмасці, якая знаходзіцца ва ўласнасці гаспадарчых таварыстваў з удзелам дзяржавы, паведамляе БЕЛТА.
У прыватнасці, з 1 ліпеня бягучага года ў Адзінай інфармацыйнай базе даных невыкарыстоўваемай маёмасці, якая прызначана для продажу і здачы ў арэнду, арганізатары аўкцыёнаў (конкурсаў) абавязаны самастойна размяшчаць звесткі (апублікаванне паведамленняў) аб правядзенні таргоў адносна аб'ектаў нерухомай маёмасці, якія знаходзяцца ва ўласнасці гаспадарчых таварыстваў з удзелам дзяржавы, а таксама жылых дамоў, інтэрнатаў, ізаляваных жылых памяшканняў дзяржаўнага жыллёвага фонду.
Акрамя гэта, скарэкціраваны рэкамендацыі аб апублікаванні паведамленняў аб правядзенні таргоў. Больш падрабязна з імі можна азнаёміцца на сайце Дзяржкаммаёмасці.
Адзіная база з'яўляецца модулем дзяржаўнай інфармацыйнай сістэмы "Адзіны рэестр маёмасці", створанай у адпаведнасці з указам нумар 168. Арганізатары аўкцыёнаў - камітэты дзяржаўнай маёмасці абласных, Мінскага гарадскога выканкамаў, мясцовыя выканкамы, спецыялізаваныя арганізацыі, а таксама гаспадарчыя таварыствы, балансатрымальнікі (прадаўцы) адпаведнай маёмасці.-0-