20 лютага, Мінск /Кар. БЕЛТА/. На Беларускай АЭС пачалася мэтавая праверка гатоўнасці да завозу свежага ядзернага паліва, паведамілі БЕЛТА ў Дэпартаменце па ядзернай і радыяцыйнай бяспецы Міністэрства па надзвычайных сітуацыях (Дзяржатамнагляд).
Мэтавая праверка праводзіцца для ацэнкі гатоўнасці атамнай станцыі да завозу ядзернага паліва, а таксама для ацэнкі адпаведнасці прынятых ДП "Беларуская АЭС" арганізацыйных і тэхнічных рашэнняў патрабаванням нарматыўных прававых актаў, у тым ліку тэхнічных, у галiне забеспячэння ядзернай і радыяцыйнай бяспекі і іх дастатковасці для абыходжання з ядзерным палівам.
Нагляднае мерапрыемства праводзіць спецыяльна сфарміраваная рабочая група Дзяржатамнагляду.
У адпаведнасці з патрабаваннямі заканадаўства праверка можа праводзіцца на працягу 30 дзён.
Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Увод першага энергаблока запланаваны ў 2020 годзе, другога - ў 2021-м.-0-
