Анатоль Ліневіч
16 снежня, Мінск /Кар. БЕЛТА/. Міністр сельскай гаспадаркі і харчавання Беларусі Анатоль Ліневіч бачыць добрыя перспектывы для нарошчвання па пастаўках прадукцыі ў Аман, а таксама разлічвае на стварэнне сумесных прадпрыемстваў і рээкспарт прадукцыі ў трэція краіны. Аб гэтым ён расказаў журналістам на палях рабочага візіту Прэзідэнта Беларусі Аляксандра Лукашэнкі ў Аман, перадае карэспандэнт БЕЛТА.
"Думаю, што ў нас перспектыва немаленькая. Таму што Міністэрства (сельскай гаспадаркі Амана. - Заўвага БЕЛТА) і міністр у прыватнасці вельмі зацікаўлены. Мы яго запрасілі наведаць выстаўку "Белагра" ў 2025 годзе. Ён з задавальненнем прыняў гэту прапанову. Плюс будуць фарміраваць са свайго боку рабочую групу для наведвання нашай краіны на прадпрыемствы, на якіх мы вырабляем сваю прадукцыю", - расказаў кіраўнік Мінсельгасхарча.
Як паведамлялася БЕЛТА, у Маскаце на палях візіту кіраўніка дзяржавы адбыліся двухбаковыя перагаворы Анатоля Ліневіча з міністрам сельскай гаспадаркі, рыбалоўства і водных рэсурсаў Амана Саудам аль-Хабсі і кіраўніцтвам аманскай Гандлёва-прамысловай палаты.
Цяпер пастаўкі беларускай прадукцыі ўжо вядуцца, аднак аманскі бок зацікаўлены ў значным пашырэнні асартыменту імпартуемай прадукцыі і нарошчванні аб'ёмаў. Таксама ідзе размова аб пастаўках ветэрынарных прэпаратаў.
Малочная прадукцыя і дзіцячае харчаванне
На аманскім рынку запатрабавана беларуская малочная прадукцыя ў асартыменце. Экспарт за 10 месяцаў бягучага года павялічыўся ў 3,6 раза ў параўнанні з аналагічным перыядам мінулага года. Бакі вызначаюць новыя таварныя пазіцыі, па якіх будуць прадаўжаць працаваць у сферы сельскай гаспадаркі. Наступны этап - рэалізацыя ў Амане праектаў па перапрацоўцы прадукцыі.
"Прадаём сухое абястлушчанае малако, сухое натуральнае малако, сухую сыроватку", - расказаў міністр.
Цяпер бакі таксама працуюць над пытаннем паставак дзіцячага харчавання з прадпрыемства ў Валкавыску. "Дамоўленасць ёсць. У першым квартале мы паставім у сябе лінію фасоўкі ў бляшанцы і будзем пастаўляць у Аман прадукцыю дзіцячага харчавання. Гэта вельмі цікавіць нашых калег. І яны далей займаюцца таксама рээкспартам, плануюць тут стварыць сумеснае прадпрыемства па фасоўцы нашага дзіцячага харчавання. Вырабляць тут і далей прадаваць у бліжэйшыя краіны", - заявіў Анатоль Ліневіч.
Вакцыны
Аманскі бок таксама цікавіць пытанне вытворчасці вакцын: "Была дамоўленасць з кіраўніком "БелВітуніфарма" аб тым, каб мы далі ім лінейку нашых вакцын. Яны хочуць (паглядзець. - Заўвага БЕЛТА), што ім падыходзіць, выпрацаваць пэўныя пазіцыі, прапанаваць на пастаўку. І таксама са свайго боку лабараторна вызначыць, якія гэта будуць вакцыны. У гэтай частцы дыялог таксама прадаўжаецца".
"У прынцыпе, пэўныя тэзісныя абмеркаванні прайшлі. Таму спадзяёмся на тое, што сумеснае прадпрыемства ў перспектыве, магчыма, можна будзе абазначыць і ў Салтанаце Аман", - дадаў міністр.
Сушка вярблюджага малака
Яшчэ адна прапанова аманскага боку заключаецца ў тым, каб Беларусь паставіла абсталяванне для сушкі вярблюджага малака. "Мы гэту тэму будзем развіваць. Над ёю будзем таксама працаваць. Вызначымся, якое прадпрыемства нам вырабіць сушыльнае абсталяванне пад тэхналогію сушкі менавіта вярблюджага малака", - адзначыў Анатоль Ліневіч.
Угнаенні
Як вядома, у Амане даволі сур'ёзна стаіць пытанне забеспячэння харчовай бяспекі. Значную частку прадукцыі краіна імпартуе, але апошнім часам па меры магчымасцей (не так шмат прыдатных для вядзення сельскай гаспадаркі тэрыторый) стараецца за кошт выкарыстання інтэнсіўных тэхналогій павялічыць ураджаі. У сувязі з гэтым ёсць цікавасць да паставак угнаенняў.
"У прыватнасці, мачавіна - азотныя ўгнаенні. Таксама будзем разглядаць. Інакш кажучы, я бачу, што і ў гэтай частцы прапановы ёсць з аманскага боку і цікавасць ёсць", - заявіў міністр.
Наконт пастаўкі калійных угнаенняў тэма не абмяркоўвалася, але не выключана, што яна ўзнікне пазней.
Для прапрацоўкі на перспектыву: камбікорм для рыб і мяса птушкі
З боку Беларусі прагаворваецца пытанне паставак у Аман камбікорму і амінакіслот вытворчасці БНБК. У першую чаргу для патрэб мясцовай рыбнай галіны. "Мы абмяркоўваем гэтыя пытанні, але пакуль яшчэ на пагадненне мы не выйшлі. Тым не менш прапаноўвалі гэты варыянт - супрацоўніцтва з БНБК. Я спадзяюся, у перспектыве яны таксама звернуць на гэта ўвагу і мы знойдзем нейкую сувязь. Таму што шмат рыбы не толькі вылоўліваецца тут, але і вырошчваецца. Таму будзем прапаноўваць амінакіслоты, усю прадукцыю, якую вырабляе БНБК", - адзначыў Анатоль Ліневіч.
Будуць думаць у Беларусі і пра магчымасці пастаўкі ў Аман мяса птушкі. У гэтым пляне трэба вырашыць некаторыя тэхнічныя пытанні. Адно з іх у тым, што ў Амане і суседніх краінах рэгіёна патрэбны ў асноўным кілаграмовыя тушкі, а ў Беларусі вытворчасць арыентавана на вагу 2 кг.
Але калі справа пойдзе, то выгада будзе для абодвух бакоў. "Яны не ўтойваюць, што хочуць займацца рээкспартам - праз сябе прадаваць на блізкія краіны. Вядома, і нам гэта выгадна. Нам галоўнае прадаць нашу прадукцыю", - заявіў міністр.-0-
"Думаю, што ў нас перспектыва немаленькая. Таму што Міністэрства (сельскай гаспадаркі Амана. - Заўвага БЕЛТА) і міністр у прыватнасці вельмі зацікаўлены. Мы яго запрасілі наведаць выстаўку "Белагра" ў 2025 годзе. Ён з задавальненнем прыняў гэту прапанову. Плюс будуць фарміраваць са свайго боку рабочую групу для наведвання нашай краіны на прадпрыемствы, на якіх мы вырабляем сваю прадукцыю", - расказаў кіраўнік Мінсельгасхарча.
Як паведамлялася БЕЛТА, у Маскаце на палях візіту кіраўніка дзяржавы адбыліся двухбаковыя перагаворы Анатоля Ліневіча з міністрам сельскай гаспадаркі, рыбалоўства і водных рэсурсаў Амана Саудам аль-Хабсі і кіраўніцтвам аманскай Гандлёва-прамысловай палаты.
Цяпер пастаўкі беларускай прадукцыі ўжо вядуцца, аднак аманскі бок зацікаўлены ў значным пашырэнні асартыменту імпартуемай прадукцыі і нарошчванні аб'ёмаў. Таксама ідзе размова аб пастаўках ветэрынарных прэпаратаў.
Малочная прадукцыя і дзіцячае харчаванне
На аманскім рынку запатрабавана беларуская малочная прадукцыя ў асартыменце. Экспарт за 10 месяцаў бягучага года павялічыўся ў 3,6 раза ў параўнанні з аналагічным перыядам мінулага года. Бакі вызначаюць новыя таварныя пазіцыі, па якіх будуць прадаўжаць працаваць у сферы сельскай гаспадаркі. Наступны этап - рэалізацыя ў Амане праектаў па перапрацоўцы прадукцыі.
"Прадаём сухое абястлушчанае малако, сухое натуральнае малако, сухую сыроватку", - расказаў міністр.
Цяпер бакі таксама працуюць над пытаннем паставак дзіцячага харчавання з прадпрыемства ў Валкавыску. "Дамоўленасць ёсць. У першым квартале мы паставім у сябе лінію фасоўкі ў бляшанцы і будзем пастаўляць у Аман прадукцыю дзіцячага харчавання. Гэта вельмі цікавіць нашых калег. І яны далей займаюцца таксама рээкспартам, плануюць тут стварыць сумеснае прадпрыемства па фасоўцы нашага дзіцячага харчавання. Вырабляць тут і далей прадаваць у бліжэйшыя краіны", - заявіў Анатоль Ліневіч.
Вакцыны
Аманскі бок таксама цікавіць пытанне вытворчасці вакцын: "Была дамоўленасць з кіраўніком "БелВітуніфарма" аб тым, каб мы далі ім лінейку нашых вакцын. Яны хочуць (паглядзець. - Заўвага БЕЛТА), што ім падыходзіць, выпрацаваць пэўныя пазіцыі, прапанаваць на пастаўку. І таксама са свайго боку лабараторна вызначыць, якія гэта будуць вакцыны. У гэтай частцы дыялог таксама прадаўжаецца".
"У прынцыпе, пэўныя тэзісныя абмеркаванні прайшлі. Таму спадзяёмся на тое, што сумеснае прадпрыемства ў перспектыве, магчыма, можна будзе абазначыць і ў Салтанаце Аман", - дадаў міністр.
Сушка вярблюджага малака
Яшчэ адна прапанова аманскага боку заключаецца ў тым, каб Беларусь паставіла абсталяванне для сушкі вярблюджага малака. "Мы гэту тэму будзем развіваць. Над ёю будзем таксама працаваць. Вызначымся, якое прадпрыемства нам вырабіць сушыльнае абсталяванне пад тэхналогію сушкі менавіта вярблюджага малака", - адзначыў Анатоль Ліневіч.
Угнаенні
Як вядома, у Амане даволі сур'ёзна стаіць пытанне забеспячэння харчовай бяспекі. Значную частку прадукцыі краіна імпартуе, але апошнім часам па меры магчымасцей (не так шмат прыдатных для вядзення сельскай гаспадаркі тэрыторый) стараецца за кошт выкарыстання інтэнсіўных тэхналогій павялічыць ураджаі. У сувязі з гэтым ёсць цікавасць да паставак угнаенняў.
"У прыватнасці, мачавіна - азотныя ўгнаенні. Таксама будзем разглядаць. Інакш кажучы, я бачу, што і ў гэтай частцы прапановы ёсць з аманскага боку і цікавасць ёсць", - заявіў міністр.
Наконт пастаўкі калійных угнаенняў тэма не абмяркоўвалася, але не выключана, што яна ўзнікне пазней.
Для прапрацоўкі на перспектыву: камбікорм для рыб і мяса птушкі
З боку Беларусі прагаворваецца пытанне паставак у Аман камбікорму і амінакіслот вытворчасці БНБК. У першую чаргу для патрэб мясцовай рыбнай галіны. "Мы абмяркоўваем гэтыя пытанні, але пакуль яшчэ на пагадненне мы не выйшлі. Тым не менш прапаноўвалі гэты варыянт - супрацоўніцтва з БНБК. Я спадзяюся, у перспектыве яны таксама звернуць на гэта ўвагу і мы знойдзем нейкую сувязь. Таму што шмат рыбы не толькі вылоўліваецца тут, але і вырошчваецца. Таму будзем прапаноўваць амінакіслоты, усю прадукцыю, якую вырабляе БНБК", - адзначыў Анатоль Ліневіч.
Будуць думаць у Беларусі і пра магчымасці пастаўкі ў Аман мяса птушкі. У гэтым пляне трэба вырашыць некаторыя тэхнічныя пытанні. Адно з іх у тым, што ў Амане і суседніх краінах рэгіёна патрэбны ў асноўным кілаграмовыя тушкі, а ў Беларусі вытворчасць арыентавана на вагу 2 кг.
Але калі справа пойдзе, то выгада будзе для абодвух бакоў. "Яны не ўтойваюць, што хочуць займацца рээкспартам - праз сябе прадаваць на блізкія краіны. Вядома, і нам гэта выгадна. Нам галоўнае прадаць нашу прадукцыю", - заявіў міністр.-0-
Падпісвайцеся на нас у
