Фота з архіва
21 лютага, Мінск /Кар. БЕЛТА/. У 2025 і 2026 годзе ў Расіі захаваецца патрэбнасць у імпарце малочных прадуктаў, і кампенсаваць дэфіцыт расіяне разлічваюць за кошт паставак сметанковага масла, сыроў і іншых прадуктаў з Беларусі. Аб гэтым у час форуму "Малочная ферма" ў Мінску расказала дырэктар расійскага Інстытута малака Таццяна Нагаева, перадае карэспандэнт БЕЛТА.
"Беларускія тавары ў Расіі ведаюць усе, для нас яны прыкмета якасці і яскравы прыклад нефальсіфіката. У 2024 годзе мы сутыкнуліся з сур'ёзным выклікам, калі сярод расіян вельмі запатрабаванымі сталі малако і малочныя прадукты з-за павышэння пакупной здольнасці. Да такога мы былі не гатовы і звярнуліся да беларусаў з тым, каб яны завозілі да нас як мага больш сваёй малакапрадукцыі. Задача была выканана", - пракаменціравала расійскі эксперт.
Найбольш востра стаяла пытанне недахопу на прылаўках сметанковага масла, попыт на якое рэзка вырас, што спецыяліст з Расіі тлумачыць некалькімі прычынамі. Па-першае, неўраджаем пальмавага алею, які выкарыстоўваецца пры вырабе ледзь ці не ўсіх кандытарскіх вырабаў, што прымусіла салодкую галіну пераходзіць на сметанковае масла. Па-другое, ростам пенсій і дзіцячых дапамог, што паўплывала на павышэнне пакупной здольнасці. Расійскія заводы распрадалі свае запасы сметанковага масла за два месяцы.
"Цяпер мы адкрылі бяспошлінны ўвоз сметанковага масла з некалькіх краін. Вялікія кантракты заключаны з беларускімі вытворцамі, паколькі ваша краіна - наш асноўны пастаўшчык сметанковага масла, - зрабіла акцэнт кіраўнік Інстытута малака. - У бягучым і наступным годзе патрэбнасць у высокамаржынальных малочных прадуктах у Расіі захаваецца, паколькі аб'ёмы вытворчасці малака застаюцца на ўзроўні 2024 года. Дэфіцыт мы разлічваем пакрыць у тым ліку за кошт паставак малакапрадуктаў з Беларусі".
Сёння Расійская Федэрацыя на 82 працэнты забяспечвае свае патрэбнасці ў малацэ і малочнай прадукцыі, 18 працэнтаў - імпартуецца. У Беларусі расійскім партнёрам цікавы не толькі якасныя малочныя прадукты, але і тэхналогіі іх вытворчасці. Дырэктар Інстытута малака заўважыла, што ў нашай краіне працуюць перадавыя гаспадаркі, чый вопыт пераймаюць калегі з Расіі.
"Па-сапраўднаму моцных і сучасна-тэхналагічных гаспадарак у нашай краіне пакуль не так шмат, таму мы актыўна далучаемся да беларускага вопыту. Прыязджаем і вучымся ў вас. Еўропа сёння для нас закрыта, а Беларусь з'яўляецца правадніком еўрапейскіх тэхналогій для Расіі", - рэзюмавала Таццяна Нагаева.
Раней першы намеснік міністра сельскай гаспадаркі і харчавання Аляксандр Ломскі расказаў, што за мінулы год беларускія малакаперапрацоўчыя прадпрыемствы адгрузілі на экспарт 6 млн т малака і малакапрадуктаў, пашырыўшы геаграфію паставак да 69 дзяржаў, папоўніўшы спіс імпарцёраў рынкамі Алжыра, Мексікі, Кувейта, Нігерыі, Кеніі і інш.-0-
"Беларускія тавары ў Расіі ведаюць усе, для нас яны прыкмета якасці і яскравы прыклад нефальсіфіката. У 2024 годзе мы сутыкнуліся з сур'ёзным выклікам, калі сярод расіян вельмі запатрабаванымі сталі малако і малочныя прадукты з-за павышэння пакупной здольнасці. Да такога мы былі не гатовы і звярнуліся да беларусаў з тым, каб яны завозілі да нас як мага больш сваёй малакапрадукцыі. Задача была выканана", - пракаменціравала расійскі эксперт.
Найбольш востра стаяла пытанне недахопу на прылаўках сметанковага масла, попыт на якое рэзка вырас, што спецыяліст з Расіі тлумачыць некалькімі прычынамі. Па-першае, неўраджаем пальмавага алею, які выкарыстоўваецца пры вырабе ледзь ці не ўсіх кандытарскіх вырабаў, што прымусіла салодкую галіну пераходзіць на сметанковае масла. Па-другое, ростам пенсій і дзіцячых дапамог, што паўплывала на павышэнне пакупной здольнасці. Расійскія заводы распрадалі свае запасы сметанковага масла за два месяцы.
"Цяпер мы адкрылі бяспошлінны ўвоз сметанковага масла з некалькіх краін. Вялікія кантракты заключаны з беларускімі вытворцамі, паколькі ваша краіна - наш асноўны пастаўшчык сметанковага масла, - зрабіла акцэнт кіраўнік Інстытута малака. - У бягучым і наступным годзе патрэбнасць у высокамаржынальных малочных прадуктах у Расіі захаваецца, паколькі аб'ёмы вытворчасці малака застаюцца на ўзроўні 2024 года. Дэфіцыт мы разлічваем пакрыць у тым ліку за кошт паставак малакапрадуктаў з Беларусі".
Сёння Расійская Федэрацыя на 82 працэнты забяспечвае свае патрэбнасці ў малацэ і малочнай прадукцыі, 18 працэнтаў - імпартуецца. У Беларусі расійскім партнёрам цікавы не толькі якасныя малочныя прадукты, але і тэхналогіі іх вытворчасці. Дырэктар Інстытута малака заўважыла, што ў нашай краіне працуюць перадавыя гаспадаркі, чый вопыт пераймаюць калегі з Расіі.
"Па-сапраўднаму моцных і сучасна-тэхналагічных гаспадарак у нашай краіне пакуль не так шмат, таму мы актыўна далучаемся да беларускага вопыту. Прыязджаем і вучымся ў вас. Еўропа сёння для нас закрыта, а Беларусь з'яўляецца правадніком еўрапейскіх тэхналогій для Расіі", - рэзюмавала Таццяна Нагаева.
Раней першы намеснік міністра сельскай гаспадаркі і харчавання Аляксандр Ломскі расказаў, што за мінулы год беларускія малакаперапрацоўчыя прадпрыемствы адгрузілі на экспарт 6 млн т малака і малакапрадуктаў, пашырыўшы геаграфію паставак да 69 дзяржаў, папоўніўшы спіс імпарцёраў рынкамі Алжыра, Мексікі, Кувейта, Нігерыі, Кеніі і інш.-0-
Падпісвайцеся на нас у
