Другі энергаблок Беларускай АЭС уключаны ў сетку

14 кастрычніка, Мінск /Кар. БЕЛТА/. Другі энергаблок Беларускай АЭС уключаны ў сетку 14 кастрычніка пасля завяршэння першага планава-папераджальнага рамонту. Аб гэтым паведамілі БЕЛТА на атамнай станцыі.

У ходзе рамонту праведзена замена адпрацаванага ядзернага паліва на свежае - у актыўную зону рэактара загружана каля 25 працэнтаў цеплавыдзяляльных зборак са свежым ядзерным палівам. Акрамя таго, у поўным аб'ёме выканана тэхнічнае абслугоўванне каля 12 тыс. адзінак абсталявання. Праведзены эксплуатацыйны кантроль металу абсталявання і трубаправодаў АЭС, у тым ліку кантроль металу корпуса рэактара. Агульная колькасць аб'ектаў кантролю склала больш за 20 тыс., уключаючы радыеграфічны кантроль металу 748 зварных злучэнняў.

Для рамонтнай кампаніі было выкарыстана больш за 26 тыс. адзінак запасных частак, інструментаў і прылад (ЗІП).

Планава-папераджальны рамонт ажыццёўлены сіламі рамонтнага персаналу Беларускай АЭС, а таксама прыцягнутага персаналу ААТ "Белэнергарамналадка", АТ "Русатам Сэрвіс" і АТ "Атамбудэкспарт".

У адпаведнасці з міжнароднай практыкай, штогод планавыя рамонтныя работы праходзяць на кожным энергаблоку АЭС для пацвярджэння надзейнасці абсталявання і тэхналагічных сістэм.-0-