Фота з архіва
15 кастрычніка, Мінск /Кар. БЕЛТА/. Доля БелАЭС у энергабалансе краіны - каля 40 працэнтаў. Аб гэтым заявіў журналістам міністр энергетыкі Аляксей Кушнарэнка ў час Беларускага энергетычнага і экалагічнага форуму, перадае карэспандэнт БЕЛТА.
"Беларуская атамная станцыя цяпер працуе на поўную моц, абодва энергаблокі. Усяго выпрацавана з моманту яе ўводу больш за 35 млрд кВт.гадз. Яе доля ў энергабалансе краіны ўжо каля 40 працэнтаў. Гэта дазваляе нам эканамічна выгадна працаваць - мы ўжо замясцілі каля 9,5 млрд куб.м прыроднага газу. А таксама садзейнічае паляпшэнню экалагічнай абстаноўкі, паколькі станцыя дазваляе скараціць выкіды парніковых газаў на 7 млн т у год", - сказаў Аляксей Кушнарэнка.
Як паведамлялася, другі энергаблок БелАЭС 14 кастрычніка ўключылі ў сетку пасля завяршэння першага планава-папераджальнага рамонту. У тым ліку праведзена замена адпрацаванага ядзернага паліва на свежае (у актыўную зону рэактара загружана каля 25 працэнтаў цеплавыдзяляльных зборак са свежым ядзерным палівам), выканана тэхнічнае абслугоўванне каля 12 тыс. адзінак абсталявання.
Беларуская АЭС з двума рэактарамі ВВЭР-1200 сумарнай магутнасцю 2400 МВт пабудавана па расійскім праекце "АЭС-2006", які адносіцца да эвалюцыйных праектаў АЭС з вода-вадзянымі рэактарамі (ВВЭР) трэцяга пакалення павышанай бяспекі. Яны маюць палепшаныя тэхніка-эканамічныя паказчыкі. Галоўная іх асаблівасць - унікальнае спалучэнне актыўных і пасіўных сістэм бяспекі. Будынак рэактара накрыты двайной ахоўнай абалонкай. Рэактар не пацерпіць у выпадку землетрасення, урагану, паводкі, узрыву.
Першы блок Беларускай атамнай станцыі ўведзены ў прамысловую эксплуатацыю ў чэрвені 2021 года, другі - у лістападзе 2023-га. Этапу прамысловай эксплуатацыі папярэднічаў вялікі аб'ём работ - па праверцы гатоўнасці тэхналагічных сістэм і абсталявання да асваення цеплавой і электрычнай магутнасці, правядзенні неабходных выпрабаванняў, падрыхтоўцы персаналу.-0-
"Беларуская атамная станцыя цяпер працуе на поўную моц, абодва энергаблокі. Усяго выпрацавана з моманту яе ўводу больш за 35 млрд кВт.гадз. Яе доля ў энергабалансе краіны ўжо каля 40 працэнтаў. Гэта дазваляе нам эканамічна выгадна працаваць - мы ўжо замясцілі каля 9,5 млрд куб.м прыроднага газу. А таксама садзейнічае паляпшэнню экалагічнай абстаноўкі, паколькі станцыя дазваляе скараціць выкіды парніковых газаў на 7 млн т у год", - сказаў Аляксей Кушнарэнка.
Як паведамлялася, другі энергаблок БелАЭС 14 кастрычніка ўключылі ў сетку пасля завяршэння першага планава-папераджальнага рамонту. У тым ліку праведзена замена адпрацаванага ядзернага паліва на свежае (у актыўную зону рэактара загружана каля 25 працэнтаў цеплавыдзяляльных зборак са свежым ядзерным палівам), выканана тэхнічнае абслугоўванне каля 12 тыс. адзінак абсталявання.
Беларуская АЭС з двума рэактарамі ВВЭР-1200 сумарнай магутнасцю 2400 МВт пабудавана па расійскім праекце "АЭС-2006", які адносіцца да эвалюцыйных праектаў АЭС з вода-вадзянымі рэактарамі (ВВЭР) трэцяга пакалення павышанай бяспекі. Яны маюць палепшаныя тэхніка-эканамічныя паказчыкі. Галоўная іх асаблівасць - унікальнае спалучэнне актыўных і пасіўных сістэм бяспекі. Будынак рэактара накрыты двайной ахоўнай абалонкай. Рэактар не пацерпіць у выпадку землетрасення, урагану, паводкі, узрыву.
Першы блок Беларускай атамнай станцыі ўведзены ў прамысловую эксплуатацыю ў чэрвені 2021 года, другі - у лістападзе 2023-га. Этапу прамысловай эксплуатацыі папярэднічаў вялікі аб'ём работ - па праверцы гатоўнасці тэхналагічных сістэм і абсталявання да асваення цеплавой і электрычнай магутнасці, правядзенні неабходных выпрабаванняў, падрыхтоўцы персаналу.-0-
Падпісвайцеся на нас у
