Фота з архіва
4 кастрычніка, Масква /Эдуард Півавар - БЕЛТА/. Для ўдзелу ў механізме фінансавай падтрымкі прамысловай кааперацыі ў Еўразійскім эканамічным саюзе пададзены першыя тры афіцыйныя заяўкі. Аб гэтым паведаміла на прэс-канферэнцыі член Калегіі (міністр) па прамысловасці і аграпрамысловым комплексе Еўразійскай эканамічнай камісіі Гоар Барсегян, перадае карэспандэнт БЕЛТА.
Гоар Барсегян нагадала, што 7 чэрвеня бягучага года ўступіла ў сілу ўся нарматыўна-прававая база па гэтым механізме фінпадтрымкі. "У нас ужо тры афіцыйныя заяўкі, цяпер актыўна працуем над запускам механізма", - сказала яна.
Паводле слоў Гоар Барсегян, цяпер гэтыя заяўкі праходзяць неабходныя экспертныя працэдуры. "Спадзяюся, што ў снежні мы зможам прадставіць першыя рэзультаты кіраўнікам нашых дзяржаў і ўрадаў", - адзначыла яна.
Адказваючы на пытанне карэспандэнта БЕЛТА, Гоар Барсегян паведаміла, што два праекты прапанаваны да рэалізацыі на тэрыторыі Расіі з удзелам Беларусі і Казахстана, яшчэ адна заяўка паступіла ад Казахстана. "Першы праект - па забеспячэнні абсталяваннем, у тым ліку дапаможнымі сістэмамі, сеткамі, комплексамі і камплектуючымі, завода "Тытан-Палімер", другі - па арганізацыі вытворчасці сельскагаспадарчай тэхнікі, трэці - па стварэнні новых вытворчых магутнасцей", - удакладніла яна.
"Гэта першапачатковыя заяўкі, яны праходзяць цяпер экспертную дапрацоўку", - звярнула ўвагу Гоар Барсегян.
Механізм фінансавай падтрымкі прамысловай кааперацыі ў ЕАЭС быў распрацаваны ў мэтах развіцця кааперацыйнага супрацоўніцтва дзяржаў - членаў "пяцёркі". Фінансаванне будзе ажыццяўляцца шляхам субсідзіравання працэнтнай стаўкі па крэдыце ў памеры 100 працэнтаў ключавой стаўкі валюты крэдытнага дагавора (нацыянальная валюта любой дзяржавы - члена ЕАЭС). Сродкі на падтрымку прамкааперацыі будуць выдзяляцца з бюджэту ЕАЭС: на гэтыя мэты плануецца накіраваць 10 працэнтаў ад антыдэмпінгавых пошлін. Агульны памер субсідзіравання складзе каля $20-22 млн штогод. Пры гэтым не выключаецца, што ў далейшым фінансавыя рэсурсы на падтрымку кааперацыйных праектаў могуць быць павялічаны.
Максімальны аб'ём субсідзіравання на адзін праект - 350 млн расійскіх рублёў у год. Фінансавая падтрымка аднаго кааперацыйнага праекта не можа ажыццяўляцца больш за 5 гадоў. Субсідзіраванне можа быць праведзена ў любой валюце краін ЕАЭС. Асноўным крытэрыем адбору кааперацыйных прамысловых праектаў, якія змогуць скарыстацца новым механізмам падтрымкі, стане ўдзел у іх не менш як трох краін ЕАЭС. Акрамя таго, прадукцыя, атрыманая ў выніку, павінна адпавядаць крытэрыям еўразійскасці, а праекты - быць накіраваны на стварэнне новых вытворчасцей і рабочых месцаў, падтрымку экспарту.-0-
Гоар Барсегян нагадала, што 7 чэрвеня бягучага года ўступіла ў сілу ўся нарматыўна-прававая база па гэтым механізме фінпадтрымкі. "У нас ужо тры афіцыйныя заяўкі, цяпер актыўна працуем над запускам механізма", - сказала яна.
Паводле слоў Гоар Барсегян, цяпер гэтыя заяўкі праходзяць неабходныя экспертныя працэдуры. "Спадзяюся, што ў снежні мы зможам прадставіць першыя рэзультаты кіраўнікам нашых дзяржаў і ўрадаў", - адзначыла яна.
Адказваючы на пытанне карэспандэнта БЕЛТА, Гоар Барсегян паведаміла, што два праекты прапанаваны да рэалізацыі на тэрыторыі Расіі з удзелам Беларусі і Казахстана, яшчэ адна заяўка паступіла ад Казахстана. "Першы праект - па забеспячэнні абсталяваннем, у тым ліку дапаможнымі сістэмамі, сеткамі, комплексамі і камплектуючымі, завода "Тытан-Палімер", другі - па арганізацыі вытворчасці сельскагаспадарчай тэхнікі, трэці - па стварэнні новых вытворчых магутнасцей", - удакладніла яна.
"Гэта першапачатковыя заяўкі, яны праходзяць цяпер экспертную дапрацоўку", - звярнула ўвагу Гоар Барсегян.
Механізм фінансавай падтрымкі прамысловай кааперацыі ў ЕАЭС быў распрацаваны ў мэтах развіцця кааперацыйнага супрацоўніцтва дзяржаў - членаў "пяцёркі". Фінансаванне будзе ажыццяўляцца шляхам субсідзіравання працэнтнай стаўкі па крэдыце ў памеры 100 працэнтаў ключавой стаўкі валюты крэдытнага дагавора (нацыянальная валюта любой дзяржавы - члена ЕАЭС). Сродкі на падтрымку прамкааперацыі будуць выдзяляцца з бюджэту ЕАЭС: на гэтыя мэты плануецца накіраваць 10 працэнтаў ад антыдэмпінгавых пошлін. Агульны памер субсідзіравання складзе каля $20-22 млн штогод. Пры гэтым не выключаецца, што ў далейшым фінансавыя рэсурсы на падтрымку кааперацыйных праектаў могуць быць павялічаны.
Максімальны аб'ём субсідзіравання на адзін праект - 350 млн расійскіх рублёў у год. Фінансавая падтрымка аднаго кааперацыйнага праекта не можа ажыццяўляцца больш за 5 гадоў. Субсідзіраванне можа быць праведзена ў любой валюце краін ЕАЭС. Асноўным крытэрыем адбору кааперацыйных прамысловых праектаў, якія змогуць скарыстацца новым механізмам падтрымкі, стане ўдзел у іх не менш як трох краін ЕАЭС. Акрамя таго, прадукцыя, атрыманая ў выніку, павінна адпавядаць крытэрыям еўразійскасці, а праекты - быць накіраваны на стварэнне новых вытворчасцей і рабочых месцаў, падтрымку экспарту.-0-
Падпісвайцеся на нас у
