7 снежня, Мінск /Кар. БЕЛТА/. Дэпутаты на пасяджэнні дзявятай сесіі Палаты прадстаўнікоў Нацыянальнага сходу Беларусі сёмага склікання прынялі ў першым чытанні законапраект "Аб змяненні законаў па пытаннях падаткаабкладання", перадае карэспандэнт БЕЛТА.
Праект закона ўнесены ў Палату прадстаўнікоў Саветам Міністраў. Законапраект прадугледжвае пэўныя сістэмныя меры па ўдасканаленні падатковага заканадаўства і дасягненні аптымальнага ўзроўню падатковай нагрузкі на эканоміку, не дапускаючы зніжэння аб'ёму бюджэтных даходаў.
"У ходзе падрыхтоўкі змяненняў законаў па пытаннях падаткаабкладання была праведзена сур'ёзная работа па аналізе існуючых падатковых ставак, ільгот, якія дзейнічаюць у нас у краіне. У выніку аналізу частку неэфектыўна выкарыстоўваемых ільгот вырашана адмяніць", - адзначыў намеснік старшыні Пастаяннай камісіі па бюджэце і фінансах Палаты прадстаўнікоў Пётр Вабішчэвіч.
З 2023 года законапраектам прапануецца індэксацыя ставак зямельнага, экалагічнага падатку, падаходнага падатку з фізічных асоб у фіксіраваных сумах для адаптацыі іх да інфляцыйных працэсаў, павелічэнне ставак падатку на прыбытак для юрыдычных асоб з 18 працэнтаў да 20 працэнтаў і падаходнага падатку з даходаў індывідуальных прадпрымальнікаў з 16 працэнтаў да 20 працэнтаў. Прадугледжана таксама змяненне памеру інвестыцыйнага выліку.
Прадугледжана таксама лічбавізацыя выплаты зямельнага падатку, гэта значыць сума гэтага падатку для арганізацыі будзе вызначацца падатковым органам на падставе існуючых у яго звестак.
"Улічваючы вопыт пандэмійнага перыяду, для аператараў сотавай рухомай электрасувязі, камерцыйных мікрафінансавых арганізацый, Парка высокіх тэхналогій захавана стаўка падатку на прыбытак у памеры 30 працэнтаў. Захавана і права мясцовых Саветаў дэпутатаў уводзіць мясцовы збор за перасячэнне транспартнымі сродкамі граніцы", - дадаў Пётр Вабішчэвіч.
У Падатковым кодэксе таксама прадугледжваюцца сістэмныя змяненні адносна падыходаў да падаткаабкладання самазанятых грамадзян, індывідуальных прадпрымальнікаў, у тым ліку выключэнне са сферы адзінага падатку для ІП пэўных відаў дзейнасці, карэкціроўка ставак адзінага падатку для індывідуальных прадпрымальнікаў у 1,5-3 разы і для самазанятых грамадзян у 1,5-2,5 раза. Таксама прадугледжваецца ўстанаўленне стаўкі збору для аграэкасядзіб у памеры Br37 у месяц за кожную сядзібу і стаўкі збору па рамеснай дзейнасці Br6 у месяц або падатку на прафесійны даход.
Выплата падатку на прафесійны даход для самазанятых грамадзян прадугледжана ў працэнтах ад выручкі на аснове мабільнага дадатку, распрацаванага Міністэрствам па падатках і зборах, пасля рэгістрацыі ў якім ад плацельшчыка спатрэбіцца толькі ўнясенне даных аб суме атрыманай імі выручкі. "Падатак на прафесійны даход дасць магчымасць стварыць простыя ўмовы для пачатку бізнесу фізічнымі асобамі без лішніх адміністрацыйных і рэгістрацыйных працэдур, а таксама забяспечыць пашырэнне падатковай базы", - адзначыў міністр фінансаў Юрый Селіверстаў.
Як растлумачылі ў МПЗ, стаўкі падатку на прафесійны даход устаноўлены ў памеры 10 працэнтаў незалежна ад памеру атрыманай выручкі пры рабоце з фізічнымі асобамі і замежнымі юрыдычнымі асобамі. Пры рабоце з беларускімі суб'ектамі гаспадарання - 10 працэнтаў пры суме атрыманага даходу не больш за Br60 тыс., 20 працэнтаў з сумы перавышэння названага памеру (гэта значыць калі даход склаў Br75 тыс., то Br60 тыс. будуць абкладацца па стаўцы 10 працэнтаў, а Br15 тыс. - па стаўцы 20 працэнтаў). Дадатковы асаблівы рэжым падаткаабкладання "Падатак на прафесійны даход" плануецца ўвесці ў Беларусі з 1 студзеня 2023 года.-0-
