9 кастрычніка, Мінск /Кар. БЕЛТА/. Стаўкі падаткаў у 2025 годзе не павысяць, а праіндэксуюць на ўзровень інфляцыі, паведаміла журналістам член Пастаяннай камісіі па бюджэце і фінансах Палаты прадстаўнікоў Наталля Куляшова, перадае карэспандэнт БЕЛТА.
"Уся падатковая палітыка і 2025 года, і ў мінулыя гады накіравана на збалансаванасць даходнай часткі бюджэту. З гэтай мэтай з 2025 года будуць павышаны стаўкі падатку на акцызы на алкагольныя і тытунёвыя вырабы. Што датычыцца астатніх ставак - гэта архіважна - яны будуць праіндэксаваны на прагнозны ўзровень інфляцыі. Значыць, гэта стаўкі зямельнага падатку, транспартны, экалагічны падатак і абсалютна ўсе падаткі, якія ўстаноўлены ў беларускіх рублях у Падатковым кодэксе, - расказала Наталля Куляшова. - З мэтай не тармажэння развіцця эканомікі, а для таго, каб яна эфектыўна і дынамічна развівалася, у Падатковым кодэксе перагледжаны падатковыя льготы, скасаваны неэфектыўна працуючыя".
У Падатковы кодэкс унесены шэраг ільгот, якія будуць прымяняцца да фізічных асоб, адзначыла дэпутат. "Гэта новаўвядзенні ў адносінах да шматдзетных сем'яў. З 2025 года будзе адменена аднаразовае прымяненне маёмаснага выліку, які ўплываў на памер падаходнага падатку. У нас сістэматызаваны пералік ільготных катэгорый, што будуць прымяняцца да асоб, якія выплачваюць падатак за валоданне сабакамі, - падкрэсліла парламентарый. - На сённяшні момант у нас уніфікавана і будзе прымяняцца адзіная льгота па падатку на нерухомую маёмасць, зямельным, транспартным падатку ў адносінах да такой катэгорыі, як асобы, якія праходзяць ваенную ці альтэрнатыўную службу. І пашыраны вельмі істотна пералік маладых спецыялістаў, якія скончылі вышэйшыя навучальныя і сярэднія спецыяльныя ўстановы для прымянення ў адносінах да іх стандартнага падатковага выліку".
9 кастрычніка ў Палаце прадстаўнікоў праходзіць пашыранае пасяджэнне Пастаяннай камісіі Палаты прадстаўнікоў па бюджэце і фінансах, у час якога будуць разгледжаны праекты законаў Рэспублікі Беларусь "Аб рэспубліканскім бюджэце на 2025 год", "Аб змяненні законаў" (карэкціроўка Падатковага кодэкса), "Аб бюджэце дзяржаўнага пазабюджэтнага Фонду сацыяльнай абароны насельніцтва Рэспублікі Беларусь на 2025 год". У пасяджэнні прымаюць удзел кіраўнікі Міністэрства фінансаў, Міністэрства па падатках і зборах, Міністэрства працы і сацыяльнай абароны, Фонду сацыяльнай абароны насельніцтва, дэпутаты Палаты прадстаўнікоў і члены Савета Рэспублікі.-0-
"Уся падатковая палітыка і 2025 года, і ў мінулыя гады накіравана на збалансаванасць даходнай часткі бюджэту. З гэтай мэтай з 2025 года будуць павышаны стаўкі падатку на акцызы на алкагольныя і тытунёвыя вырабы. Што датычыцца астатніх ставак - гэта архіважна - яны будуць праіндэксаваны на прагнозны ўзровень інфляцыі. Значыць, гэта стаўкі зямельнага падатку, транспартны, экалагічны падатак і абсалютна ўсе падаткі, якія ўстаноўлены ў беларускіх рублях у Падатковым кодэксе, - расказала Наталля Куляшова. - З мэтай не тармажэння развіцця эканомікі, а для таго, каб яна эфектыўна і дынамічна развівалася, у Падатковым кодэксе перагледжаны падатковыя льготы, скасаваны неэфектыўна працуючыя".
У Падатковы кодэкс унесены шэраг ільгот, якія будуць прымяняцца да фізічных асоб, адзначыла дэпутат. "Гэта новаўвядзенні ў адносінах да шматдзетных сем'яў. З 2025 года будзе адменена аднаразовае прымяненне маёмаснага выліку, які ўплываў на памер падаходнага падатку. У нас сістэматызаваны пералік ільготных катэгорый, што будуць прымяняцца да асоб, якія выплачваюць падатак за валоданне сабакамі, - падкрэсліла парламентарый. - На сённяшні момант у нас уніфікавана і будзе прымяняцца адзіная льгота па падатку на нерухомую маёмасць, зямельным, транспартным падатку ў адносінах да такой катэгорыі, як асобы, якія праходзяць ваенную ці альтэрнатыўную службу. І пашыраны вельмі істотна пералік маладых спецыялістаў, якія скончылі вышэйшыя навучальныя і сярэднія спецыяльныя ўстановы для прымянення ў адносінах да іх стандартнага падатковага выліку".
9 кастрычніка ў Палаце прадстаўнікоў праходзіць пашыранае пасяджэнне Пастаяннай камісіі Палаты прадстаўнікоў па бюджэце і фінансах, у час якога будуць разгледжаны праекты законаў Рэспублікі Беларусь "Аб рэспубліканскім бюджэце на 2025 год", "Аб змяненні законаў" (карэкціроўка Падатковага кодэкса), "Аб бюджэце дзяржаўнага пазабюджэтнага Фонду сацыяльнай абароны насельніцтва Рэспублікі Беларусь на 2025 год". У пасяджэнні прымаюць удзел кіраўнікі Міністэрства фінансаў, Міністэрства па падатках і зборах, Міністэрства працы і сацыяльнай абароны, Фонду сацыяльнай абароны насельніцтва, дэпутаты Палаты прадстаўнікоў і члены Савета Рэспублікі.-0-
Падпісвайцеся на нас у
