Фота з архіва
11 сакавіка, Мінск /Кар. БЕЛТА/. Пасяджэнне Камісіі Парламенцкага сходу Саюза Беларусі і Расіі па аграрных пытаннях прайшло ў Мінску, паведамляе карэспандэнт БЕЛТА.
Да ўдзелу ў мерапрыемстве былі запрошаны прадстаўнікі Пасткама Саюзнай дзяржавы, Міністэрства сельскай гаспадаркі і харчавання Беларусі, Міністэрства сельскай гаспадаркі Расіі, Міністэрства навукі і вышэйшай адукацыі Расіі, Нацыянальнай акадэміі навук Беларусі. Парламентарыям была прадстаўлена інфармацыя аб ходзе работы па падрыхтоўцы сумесных прапаноў аб распрацоўцы праграм Саюзнай дзяржавы: "Распрацоўка комплексу аўтаматызаваных і рабатызаваных машын, абсталявання і лічбавых тэхналогій для малочнай жывёлагадоўлі" ("Інтэлектуальная ферма-СД"), "Распрацоўка рабатызаваных тэхнічных сродкаў для прамысловага садоўніцтва" ("Садоўніцтва-СД"). Акрамя таго, члены камісіі прааналізавалі мэтазгоднасць распрацоўкі сумеснага праекта "Стварэнне комплексу апаратна-праграмных сродкаў для назапашання, аналізу, апрацоўкі селекцыйных даных пры рабоце з зыходнымі лініямі яечных курэй і распрацоўкі прагрэсіўнай праграмы селекцыі з вызначэннем індывідуальных прыкмет адбору птушкі".
Таксама дэпутаты абмеркавалі пытанні рэалізацыі прыярытэтных напрамкаў забеспячэння бяспекі Саюзнай дзяржавы ў сферы фарміравання агульнай аграрнай палітыкі.
"Рост развіцця аграпрамысловага комплексу ў рамках Саюзнай дзяржавы дае магчымасць забяспечваць харчовую бяспеку нашых краін у якасным і колькасным выражэнні", - расказаў член Камісіі Парламенцкага сходу па аграрных пытаннях, намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па аграрнай палітыцы Андрэй Балыш.
Паводле яго слоў, ва ўмовах знешняга націску і залежнасці ад замежных тавараў і тэхналогій відавочна, што ўмацаванне ўласнай аграрнай базы і кааперацыі становіцца прыярытэтнай задачай. "Сёння ў рамках чарговага пасяджэння Камісіі па аграрных пытаннях Парламенцкага сходу Саюза Беларусі і Расіі разгледжаны пытанні, звязаныя з навукова-тэхнічнай, вытворчай кааперацыяй унутры Саюзнай дзяржавы ў частцы сельскай гаспадаркі, а таксама пытанні па ўніфікацыі заканадаўства ў частцы сельскай гаспадаркі. Усё гэта дасць магчымасць нам і ў далейшым заяўляць пра нашы краіны - Рэспубліку Беларусь, Расійскую Федэрацыю - як упэўненых ігракоў на сусветным рынку прадуктаў харчавання", - адзначыў парламентарый.
Сярод ключавых напрамкаў супрацоўніцтва Беларусі і Расіі застаюцца развіццё інтэлектуальнага фермерства і садоўніцтва, селекцыя і насенняводства. "Аб'яднанне навуковых намаганняў дзвюх краін дасць магчымасць не толькі вырашаць бягучыя задачы, але і ўмацоўваць пазіцыі Саюзнай дзяржавы ў сусветным аграпрамысловым сектары", - падкрэсліў Андрэй Балыш.-0-
Да ўдзелу ў мерапрыемстве былі запрошаны прадстаўнікі Пасткама Саюзнай дзяржавы, Міністэрства сельскай гаспадаркі і харчавання Беларусі, Міністэрства сельскай гаспадаркі Расіі, Міністэрства навукі і вышэйшай адукацыі Расіі, Нацыянальнай акадэміі навук Беларусі. Парламентарыям была прадстаўлена інфармацыя аб ходзе работы па падрыхтоўцы сумесных прапаноў аб распрацоўцы праграм Саюзнай дзяржавы: "Распрацоўка комплексу аўтаматызаваных і рабатызаваных машын, абсталявання і лічбавых тэхналогій для малочнай жывёлагадоўлі" ("Інтэлектуальная ферма-СД"), "Распрацоўка рабатызаваных тэхнічных сродкаў для прамысловага садоўніцтва" ("Садоўніцтва-СД"). Акрамя таго, члены камісіі прааналізавалі мэтазгоднасць распрацоўкі сумеснага праекта "Стварэнне комплексу апаратна-праграмных сродкаў для назапашання, аналізу, апрацоўкі селекцыйных даных пры рабоце з зыходнымі лініямі яечных курэй і распрацоўкі прагрэсіўнай праграмы селекцыі з вызначэннем індывідуальных прыкмет адбору птушкі".
Таксама дэпутаты абмеркавалі пытанні рэалізацыі прыярытэтных напрамкаў забеспячэння бяспекі Саюзнай дзяржавы ў сферы фарміравання агульнай аграрнай палітыкі.
"Рост развіцця аграпрамысловага комплексу ў рамках Саюзнай дзяржавы дае магчымасць забяспечваць харчовую бяспеку нашых краін у якасным і колькасным выражэнні", - расказаў член Камісіі Парламенцкага сходу па аграрных пытаннях, намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па аграрнай палітыцы Андрэй Балыш.
Паводле яго слоў, ва ўмовах знешняга націску і залежнасці ад замежных тавараў і тэхналогій відавочна, што ўмацаванне ўласнай аграрнай базы і кааперацыі становіцца прыярытэтнай задачай. "Сёння ў рамках чарговага пасяджэння Камісіі па аграрных пытаннях Парламенцкага сходу Саюза Беларусі і Расіі разгледжаны пытанні, звязаныя з навукова-тэхнічнай, вытворчай кааперацыяй унутры Саюзнай дзяржавы ў частцы сельскай гаспадаркі, а таксама пытанні па ўніфікацыі заканадаўства ў частцы сельскай гаспадаркі. Усё гэта дасць магчымасць нам і ў далейшым заяўляць пра нашы краіны - Рэспубліку Беларусь, Расійскую Федэрацыю - як упэўненых ігракоў на сусветным рынку прадуктаў харчавання", - адзначыў парламентарый.
Сярод ключавых напрамкаў супрацоўніцтва Беларусі і Расіі застаюцца развіццё інтэлектуальнага фермерства і садоўніцтва, селекцыя і насенняводства. "Аб'яднанне навуковых намаганняў дзвюх краін дасць магчымасць не толькі вырашаць бягучыя задачы, але і ўмацоўваць пазіцыі Саюзнай дзяржавы ў сусветным аграпрамысловым сектары", - падкрэсліў Андрэй Балыш.-0-
Падпісвайцеся на нас у
