Сцяг Аўторак, 23 ліпеня 2024
Усе навіны
Усе навіны
Эканоміка
19 чэрвеня 2024, 11:41

Дэлегацыя Нацбанка прыняла ўдзел у пасяджэнні Еўразійскага савета цэнтральных банкаў

Фота Нацбанка
Фота Нацбанка
19 чэрвеня, Мінск /Кар. БЕЛТА/. Дэлегацыя Нацыянальнага банка Беларусі на чале са старшынёй Праўлення Паўлам Калаурам прыняла ўдзел у 50-м пасяджэнні Еўразійскага савета цэнтральных (нацыянальных) банкаў і 26-м пасяджэнні Кансультацыйнага савета па валютнай палітыцы цэнтральных (нацыянальных) банкаў дзяржаў - членаў ЕАЭС, што адбыліся ў Сочы. Аб гэтым паведамілі БЕЛТА ў Нацбанку.

На пасяджэнні Еўразійскага савета цэнтральных (нацыянальных) банкаў удзельнікі абмеркавалі рэзультаты работы банкаўскага сектара за 2023 год і перспектывы яго развіцця на 2024 год, асноўныя напрамкі грашова-крэдытнай палітыкі, дзейнасць па напрамку ESG (Environmental, Social, Governance).

"На пасяджэнні Кансультацыйнага савета па валютнай палітыцы прадстаўнікі цэнтральных (нацыянальных) банкаў дзяржаў - членаў ЕАЭС абмеркавалі асаблівасці ўзаемадзеяння грашова-крэдытнай палітыкі і іншых відаў дзяржаўнай палітыкі. У прыватнасці, размова ішла аб уплыве на рашэнні па грашова-крэдытнай палітыцы мер, якія прымаюцца ў бюджэтна-падатковай сферы, у галіне банкаўскага рэгулявання, забеспячэння фінансавай стабільнасці. Удзельнікі пасяджэння таксама абмеркавалі падыходы да гарманізацыі заканадаўства ў сферы фінансавага рынку. Акрамя таго, у рамках пасяджэнняў было падпісана пагадненне паміж урадам Беларусі, Нацыянальным банкам, урадам Расійскай Федэрацыі, Цэнтральным банкам Расійскай Федэрацыі аб супрацоўніцтве і абмене інфармацыяй, у тым ліку канфідэнцыяльнай, у сферы нагляду і (або) кантролю за фінансавым рынкам", - падкрэслілі ў Нацбанку.

Пагадненне аб Еўразійскім савеце цэнтральных (нацыянальных) банкаў падпісана 18 лістапада 2015 года. Савет з'яўляецца кансультатыўна-дарадчым органам. Яго задача - паглыбленне інтэграцыі ў фінансава-банкаўскай сферы, каардынацыя дзеянняў бакоў па пытаннях развіцця нацыянальных валютна-фінансавых і банкаўскіх сістэм, удасканалення шматбаковых і двухбаковых плацежна-разліковых адносін і іншае.

Кансультацыйны савет па валютнай палітыцы цэнтральных (нацыянальных) банкаў дзяржаў - членаў ЕАЭС таксама з'яўляецца кансультатыўна-дарадчым органам. Яго асноўная мэта - каардынацыя валютнай палітыкі, у тым ліку выпрацоўка адзіных падыходаў і напрамкаў курсавой палітыкі.-0-
 
Падпісвайцеся на нас у
Twitter
Топ-навіны
Свежыя навіны Беларусі