20 сакавіка, Мінск /Кар. БЕЛТА/. Дэлегацыя Міністэрства энергетыкі на чале з міністрам энергетыкі Віктарам Каранкевічам прыме ўдзел у XIII Міжнародным форуме "Атамэкспа-2024", які пройдзе ў Сочы 25-26 сакавіка. Аб гэтым паведамілі БЕЛТА ў прэс-службе Мінэнерга.
У склад дэлегацыі ўвойдуць прадстаўнікі вытворчага аб'яднання "Белэнерга", Беларускай атамнай электрастанцыі, Беларускай арганізацыі па абыходжанні з радыеактыўнымі адходамі.
"Пленарнае пасяджэнне цэнтральнага мерапрыемства - кангрэса форуму - у бягучым годзе пройдзе на тэму "Чыстая энергетыка: ствараючы будучыню". Дзелавая праграма таксама ўключае розныя панэльныя сесіі, у рамках якіх будуць абмеркаваны актуальныя пытанні развіцця атамнай энергетыкі і сумежных галін, у тым ліку інавацыі ў галіне абыходжання з радыеактыўнымі адходамі, квантавыя тэхналогіі, лічбавая інтэлектуальная вытворчасць, перадавыя рашэнні для аховы здароўя і адукацыі, развіццё электратранспарту", - расказалі ў Мінэнерга.
На выстаўцы форуму будуць прадстаўлены ключавыя дасягненні атамнай галіны. Свой стэнд прэзентуе і беларуская атамная станцыя. Тут можна будзе знайсці інфармацыю пра будаўніцтва і эксплуатацыю БелАЭС, яе інтэграцыю ў энергасістэму і эканоміку краіны. Жадаючых азнаёмяць з гісторыяй рэалізацыі праекта і цікавымі фактамі аб перавагах выкарыстання мірнага атама. На палях форуму будуць падпісаны дакументы аб супрацоўніцтве паміж беларускімі і расійскімі профільнымі арганізацыямі.
"Атамэкспа" - буйнейшая выставачная і дзелавая пляцоўка, на якой абмяркоўваецца сучасны стан атамнай галіны і фарміруюцца трэнды яе далейшага развіцця. У форуме прымуць удзел кіраўнікі вядучых кампаній сусветнай атамнай індустрыі, дзяржаўных структур, міжнародных і грамадскіх арганізацый, эксперты і вучоныя.-0-
У склад дэлегацыі ўвойдуць прадстаўнікі вытворчага аб'яднання "Белэнерга", Беларускай атамнай электрастанцыі, Беларускай арганізацыі па абыходжанні з радыеактыўнымі адходамі.
"Пленарнае пасяджэнне цэнтральнага мерапрыемства - кангрэса форуму - у бягучым годзе пройдзе на тэму "Чыстая энергетыка: ствараючы будучыню". Дзелавая праграма таксама ўключае розныя панэльныя сесіі, у рамках якіх будуць абмеркаваны актуальныя пытанні развіцця атамнай энергетыкі і сумежных галін, у тым ліку інавацыі ў галіне абыходжання з радыеактыўнымі адходамі, квантавыя тэхналогіі, лічбавая інтэлектуальная вытворчасць, перадавыя рашэнні для аховы здароўя і адукацыі, развіццё электратранспарту", - расказалі ў Мінэнерга.
На выстаўцы форуму будуць прадстаўлены ключавыя дасягненні атамнай галіны. Свой стэнд прэзентуе і беларуская атамная станцыя. Тут можна будзе знайсці інфармацыю пра будаўніцтва і эксплуатацыю БелАЭС, яе інтэграцыю ў энергасістэму і эканоміку краіны. Жадаючых азнаёмяць з гісторыяй рэалізацыі праекта і цікавымі фактамі аб перавагах выкарыстання мірнага атама. На палях форуму будуць падпісаны дакументы аб супрацоўніцтве паміж беларускімі і расійскімі профільнымі арганізацыямі.
"Атамэкспа" - буйнейшая выставачная і дзелавая пляцоўка, на якой абмяркоўваецца сучасны стан атамнай галіны і фарміруюцца трэнды яе далейшага развіцця. У форуме прымуць удзел кіраўнікі вядучых кампаній сусветнай атамнай індустрыі, дзяржаўных структур, міжнародных і грамадскіх арганізацый, эксперты і вучоныя.-0-
