30 жніўня, Мінск /Аліна Грышкевіч - БЕЛТА/. Дэлегацыя Азіяцкага банка інфраструктурных інвестыцый наведае Беларусь, паведамілі карэспандэнту БЕЛТА ў пасольстве рэспублікі ў Кітаі.
Напярэдадні візіту Надзвычайны і Паўнамоцны Пасол Беларусі ў КНР Кірыл Руды сустрэўся з прэзідэнтам банка Цзінь Ліцзюнем. Бакі абмеркавалі падрыхтоўку пілотнага праекта, а таксама шэраг перспектыўных інфраструктурных і сацыяльных праектаў для прыцягнення фінансавання Азіяцкага банка інфраструктурных інвестыцый.
Азіяцкі банк інфраструктурных інвестыцый (АБІІ) - міжнародная фінансавая арганізацыя, стварэнне якой было прапанавана Кітаем. Асноўныя мэты АБІІ: стымуляванне фінансавага супрацоўніцтва ў Азіяцка-Ціхаакіянскім рэгіёне, фінансаванне інфраструктурных праектаў у Азіі. Беларусь стала членам банка 17 студзеня 2019 года.-0-