29 ліпеня, Мінск /Кар. БЕЛТА/. Асноўны ўклад у рост эканомікі Беларусі забяспечыў прамысловы сектар. Такое меркаванне выказаў міністр эканомікі Аляксандр Чарвякоў у эфіры праграмы "Панарама" на тэлеканале "Беларусь 1", перадае карэспандэнт БЕЛТА.
"За 5 месяцаў бягучага года рост ВУП склаў 3,3 працэнта - гэта даволі добры рэзультат. Ён быў чаканы і падлічаны намі. Асноўны ўклад у гэты паказчык забяспечыў прамысловы комплекс. Практычна 80 працэнтаў усяго прыросту сфарміравана ім. Гэта ўзрастаючыя рынкі - нашы прадпрыемствы маюць заказы на бліжэйшыя два-тры месяцы. У далейшым прамысловасць прадоўжыць свой рост", - адзначыў Аляксандр Чарвякоў.
Паводле слоў міністра эканомікі, дадатную дынаміку паказвае і транспартная галіна. "Тут таксама мы бачым рост. Мы поўнасцю аднавілі пасажыраабарот, нягледзячы на тыя абмежаванні, якія мы мелі з боку ЕС. Мы разгарнулі нашы патокі на ўсход і поўнасцю аднаўляемся", - адзначыў ён.
Як адзначыў Аляксандр Чарвякоў, беларуская эканоміка працуе на апярэджанне. "Мы не чакаем, калі санкцыі сур'ёзна ўдараць па нас. Тут важна працаваць на апярэджанне. Мы прапрацоўваем новыя рынкі: расійскі, кітайскі, турэцкі, індыйскі, афрыканскі. Яны даволі хутка растуць, і частку прадукцыі мы можам накіраваць. На сённяшні дзень доля беларускага экспарту ў Расійскай Федэрацыі складае каля 5,8 працэнта. Актыўна прапрацоўваем кітайскі рынак - цяпер з экспертамі працуем над пералікам тавараў, якія мы можам туды пастаўляць. 69 працэнтаў той наменклатуры, якую мы пастаўляем у Еўропу, мы можам пастаўляць і ў Кітай. Пры гэтым мы не маем намеру скарачаць сваю прысутнасць на рынках Еўропы - мы будзем старацца тут затрымацца", - падкрэсліў міністр эканомікі.-0-
