ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Пераменная воблачнасць +16°C
Усе навіны
Усе навіны
Эканоміка
08 красавіка 2020, 10:23

Чарговы 130-тоннік БЕЛАЗ пачне работу на Глеявацкім кар'еры ва Украіне

Фота ААТ "БЕЛАЗ"
Фота ААТ "БЕЛАЗ"

8 красавіка, Мінск /Юлія Неманкова - БЕЛТА/. На Глеявацкі кар'ер Цэнтральнага горна-абагачальнага камбіната групы кампаній "Метінвест" (Крывы Рог, Украіна) паступіў першы ў гэтым годзе 130-тонны кар'ерны самазвал БЕЛАЗ-7513, паведамілі БЕЛТА ў прэс-службе прадпрыемства.

Самазвал будзе вазіць пароду па серпанціне старэйшага рудніка Цэнтральнага горна-абагачальнага камбіната. "Магутны 130-тоннік - аптымальная тэхніка для работы ў няпростых умовах штучнага горнага рэльефу. Гэта ўжо 31-ы такі памочнік у горна-транспартным цэху нумар 1 Цэнтральнага ГАКа", - адзначылі ў прэс-службе.

Як адзначылі на прадпрыемстве, кар'ерны самазвал разлічаны на вялікія нагрузкі і аснашчаны сучаснай электронікай: знешняе лічбавае табло загрузкі, пяцікамерная сістэма відэанагляду, сістэма аўтаматычнай змазкі і кантролю ціску ў шынах.

"Метінвест" - міжнародная горна-металургічная група кампаній. У яе структуру ўваходзяць здабыўныя і металургічныя прадпрыемствы ва Украіне, ЗША і краінах ЕС. Гэта буйнейшы ва Украіне вытворца жалезаруднай сыравіны і вугалю. ТАА "Метінвест Холдынг" кіруе прадпрыемствамі вугальнай, гарнаруднай, коксахімічнай, металургічнай і трубнай галін.

ААТ "БелАЗ" - кіруючая кампанія холдынга "БелАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае амаль 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы вялікі ў свеце кар'ерны самазвал грузападымальнасцю 450 т.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі