24 лістапада, Мінск /Кар. БЕЛТА/. Чаканае ў канцы лістапада паніжэнне тэмпературнага рэжыму не ўяўляе небяспекі для азімых культур, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Маршрутнае абследаванне паказала, што на асноўных масівах стан азімага рапсу добры. У лісцевай разетцы ў асноўным налічваецца 5-9 лістоў. Месцамі на паўднёвым захадзе краіны назіраюцца перарослыя пасевы", - расказалі ў Белгідрамеце.
Здавальняючы стан рапсу ў асноўным адзначаецца ў Віцебскай і Гомельскай абласцях. На асобных палях на крайнім паўднёвым усходзе краіны стан рапсу дрэнны.-0-