Фота з архіва
11 ліпеня, Мінск /Кар. БЕЛТА/. Беларуская ўніверсальная таварная біржа з наступнага тыдня часова зменіць перыядычнасць правядзення біржавых таргоў лесанарыхтоўчымі паслугамі. Аб гэтым паведамілі БЕЛТА ў прэс-службе БУТБ.
Так, замест дзвюх гандлёвых сесій у тыдзень з 14 ліпеня 2025 года на БУТБ будуць праводзіцца тры такія сесіі. Гэта звязана з ураганам, што прайшоў па тэрыторыі Беларусі, у выніку якога пацярпелі значныя плошчы лясных насаджэнняў, перш за ўсё ў Магілёўскай і Віцебскай абласцях. Арганізацыя дадатковых таргоў па закупцы лесанарыхтоўчых паслуг дасць магчымасць аператыўна ажыццявіць санітарныя высечкі і ўстараніць наступствы буралому.
"З 14 ліпеня біржавыя таргі паслугамі па лесанарыхтоўцы будуць праходзіць па панядзелках, серадах і пятніцах. Чакаецца, што такі графік захаваецца як мінімум да канца месяца, каб уключыць у мерапрыемствы па ўстараненні наступстваў стыхіі як мага больш лесанарыхтоўчых арганізацый. Дарэчы, гэта далёка не першы выпадак, калі біржа па просьбе Міністэрства лясной гаспадаркі ўводзіць дадатковыя гандлёвыя сесіі па рэалізацыі лесанарыхтоўчых паслуг і бураломнай драўніны. Мэта такога супрацоўніцтва - мінімізаваць урон для ляснога фонду краіны і забяспечыць эфектыўнае выкарыстанне драўнянай сыравіны", - расказалі ў прэс-службе таварнай біржы.
Паводле інфармацыі БУТБ, за першае паўгоддзе 2025 года сума біржавых здзелак па закупцы паслуг у сферы лясной гаспадаркі склала Br158 млн, што на 45 працэнтаў больш, чым за аналагічны перыяд 2024 года. У ліку самых запатрабаваных паслуг - нарыхтоўка дзелавой і дрывяной драўніны, перавозка драўнянай сыравіны аўтамабільным транспартам, тралёўка дзелавой драўніны, распілоўка круглых лесаматэрыялаў і лесапасадка.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Так, замест дзвюх гандлёвых сесій у тыдзень з 14 ліпеня 2025 года на БУТБ будуць праводзіцца тры такія сесіі. Гэта звязана з ураганам, што прайшоў па тэрыторыі Беларусі, у выніку якога пацярпелі значныя плошчы лясных насаджэнняў, перш за ўсё ў Магілёўскай і Віцебскай абласцях. Арганізацыя дадатковых таргоў па закупцы лесанарыхтоўчых паслуг дасць магчымасць аператыўна ажыццявіць санітарныя высечкі і ўстараніць наступствы буралому.
"З 14 ліпеня біржавыя таргі паслугамі па лесанарыхтоўцы будуць праходзіць па панядзелках, серадах і пятніцах. Чакаецца, што такі графік захаваецца як мінімум да канца месяца, каб уключыць у мерапрыемствы па ўстараненні наступстваў стыхіі як мага больш лесанарыхтоўчых арганізацый. Дарэчы, гэта далёка не першы выпадак, калі біржа па просьбе Міністэрства лясной гаспадаркі ўводзіць дадатковыя гандлёвыя сесіі па рэалізацыі лесанарыхтоўчых паслуг і бураломнай драўніны. Мэта такога супрацоўніцтва - мінімізаваць урон для ляснога фонду краіны і забяспечыць эфектыўнае выкарыстанне драўнянай сыравіны", - расказалі ў прэс-службе таварнай біржы.
Паводле інфармацыі БУТБ, за першае паўгоддзе 2025 года сума біржавых здзелак па закупцы паслуг у сферы лясной гаспадаркі склала Br158 млн, што на 45 працэнтаў больш, чым за аналагічны перыяд 2024 года. У ліку самых запатрабаваных паслуг - нарыхтоўка дзелавой і дрывяной драўніны, перавозка драўнянай сыравіны аўтамабільным транспартам, тралёўка дзелавой драўніны, распілоўка круглых лесаматэрыялаў і лесапасадка.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
